Високиот претставник на Европската унија за надворешна политика и безбедност, Жозеп Борел изјави дека неодамнешната средба меѓу српскиот претседател Александар Вучиќ и косовскиот премиер Албин Курти во Брисел не довела до напредок во разговорите.
Борел, по состанокот на министрите за надворешни работи на ЕУ, истакна дека членките на ЕУ ја нагласиле својата загриженост поради продолжувањето на тензиите на северот на Косово и ја потенцирале неопходноста од деескалација.
Тој додаде дека членките на ЕУ ќе преземат мерки за нормализирање на дијалогот, доколку тоа биде потребно.
Според него, мора да се организираат избори во сите четири општини на северот на Косово, со услов на нив да учествуваат Србите.
Борел изјави дека Белград и Приштина мора да покажат подготвеност за спроведување на обврските предвидени во дијалогот.
Очекуваме од идните членки на ЕУ да се однесуваат европски, рече шефот на европската дипломатија.
Зборувајќи за неодамнешните настани во Русија, во кои беше вмешана платеничката група „Вагнер“, Борел оцени дека ситуацијата во Русија се уште е сложена и непредвидлива.
Тој посочи дека овие настани покажале дека е ослабен личниот кредибилитет на Русија и Путин и дека „се појавиле пукнатини“ во политичкиот систем.
Борел посочи дека ЕУ ќе остане посветена на своите партнери и дека поддршката за Украина ќе биде поголема од кога било, особено кога станува збор за воената помош.
The Foreign Affairs Council starts with a VTC with @DmytroKuleba#Ukraine remains our #1 priority
We are formally adopting today our 2nd EPF top-up worth €3.5 billion.
We will continue to double down on our military support on both equipment & training. For as long as it takes pic.twitter.com/7OPwJBSMFZ— Josep Borrell Fontelles (@JosepBorrellF) June 26, 2023
Тој додаде дека ЕУ ќе ја поддржи Украина со испраќање воена опрема и обука на нејзините војници, а во исто време ќе бара праведен и долгорочен мир.
Foreign Affairs Council: Press remarks by HR/VP @JosepBorrellF upon arrival #FAChttps://t.co/1ZUQEb7z2p pic.twitter.com/9vuq2GL71o
— European External Action Service – EEAS 🇪🇺 (@eu_eeas) June 26, 2023
Г. Т.
