ВЕСТ НА ДЕНОТ
ЈО: Беспредметна и непотребна е иницијативата на ДКСК во врска со конфискацијата на имотот во предметот „Труст“
Јавното обвинителство ја оценува како целосно беспредметна и непотребна иницијативата на Државната комисија за спречување на корупцијата во врска со конфискацијата на имотот во предметот „Труст“.
ИЗЈАВА НА ДЕНОТ
Не сум разговарала ниту со Ескобар по неговото излагање, ниту со Радев, но не е важно да се фокусираме толку на тоа што тие го кажуваат, тука на тоа што е направено тука, бидејќи на крајот на денот, ако луѓето тука се посветени на ЕУ не е важно што велат Габриел или Радев, изјави американската амбасадорка Анџела Агелер, одговорајќи на новинарско прашање на денешната прес-конференција во Амбасадата на САД во Скопје.
ВОЈНА ВО УКРАИНА
Русија изложува милиони луѓе ширум светот на ризик од глад и зголемување на цените на храната со тоа што одбива да го продолжи своето учество во Црноморската иницијатива за жито, објави украинската амбасадорка во земјава, Лариса Дир на Твитер.
*
Жозеп Борел пред состанокот на Советот за надворешни работи на ЕУ во Брисел нагласи дека целното гранатирање на пристанишната инфраструктура во Одеса од страна на Русија, кое трае трета ноќ по ред, како и намерното уништување на резервите на жито наменето за извоз од страна на Русија, се варварски чинови кои ќе доведат до голема криза со храна во светот.
ФЛЕШ ВЕСТИ
ЦРНА ЛИСТА САД подготвуваат црна листа со дури 19 имиња на политичари од Западен Балкан меѓу нив се разбира ќе бидат и луѓе од Северна Македонија
КАМЧЕВ НА ЦРНА ЛИСТА Американското Министерство за финансии го означи Јордан „Орце“ Камчев на црната листа на САД поради коруптивни и криминални дела, а сега останува на надлежните органи и институции во земјата што ќе преземат понатаму.
ДОНОР МЗ информира дека за првпат во историјата на македонското здравство, утрово од еден донор беа експлантирани четири органи во еден акт.
ТОПЛОТЕН БРАН Директорот на ЦУК Стојанче Ангелов во врска со топлотниот бран што ја има зафатено земјава упати апел до градоначалниците да бидат во висина на нивните надлежности и при појава на пожар да дадат се од себе
ЛИЦА СО ПОПРЕЧЕНОСТ На 55 проценти од факултетите нема студенти со попреченост или факултетите не водат статистика за бројот на студенти со попреченост.
ЗАБРАНА ЗА ГРАДЕЊЕ Советот на Општина Центар на 26-та Седница донесе одлука за определување на дозволеност на градба исклучиво во границите определени со планскиот опфат на Генералниот Урбанистички план на Град Скопје 2012 – 2022.
ДЕМОНСТРАЦИИ БАГДАД Амбасадата на Шведска во Багдад беше запалена пред зори во четвртокот за време на демонстрациите, што наиде на остар укор од министерот за надворешни работи на земјата.
ЗАПАДЕН БАЛКАН Генералниот директорат за соседство и преговори за проширување официјално го извести вицепремиерот за европски прашања и Национален ИПА координатор, Бојан Маричиќ за трите проекти кои беа одобрени на 30 јуни 2023 година на состанокот на Оперативниот борд на Инвестициската рамка за Западен Балкан.
АЛ-ПРЕС
Европската комисија одлучи привремено да ги стопира надоместоците за албанската влада за финансирање на земјоделски проекти кои се реализираат во рамките на ИПАРД II, по завршувањето на средбите во Брисел, главниот преговарач на Косово во дијалогот со Србија, Бесник Бислими изјави дека посредникот на овој процес Мирослав Лајчак одлучил во овој момент да нема тројна средба јавуваат косовските медиуми. Ова се дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-ПРЕС.
КЛИМАТСКИ ПРОМЕНИ
Џон Кери, претставникот на САД за климата, отпатува во Пекинг со надеж дека ќе ги убеди тамошните власти да почнат да ги намалуваат емисиите на јаглерод во Кина на побрз временски рок. Но, по тридневни разговори, Кери се врати без никакви нови договори.
АНАЛИЗИ
Додека навидум сменетата власт сѐ уште си ги чува своите „придобивки“ по широк опус на оценки од минатото, новата очевидно е збунета од потребата да биде поинаква во тие вреднувања. Впрочем, затоа и се соочуваме со фактот: постои иницијатива, а дури и одлука статуата на Ќосето да се врати пред зградите на судските институции, додека секое споменување на името на книжевниот бард Јаневски предизвикува некој вид на бојкот, по било кој повод, анализира Љубомир Костовски во „Лустрацијата и по неа: Зошто Славко Јаневски нема улица?“
*
Другата опција е „Фронтот за Европа“ да се натпреварува на избори без СДСМ за да се зачува „интересот“, како што велат партиски извори, на оваа партија наспроти екстремната десница, кај македонското гласачко тело, а во неа да се вклучат ДУИ, Алијанса, ЛДП, НСДП.., и граѓанскиот сектор., пишува Дестан Јонузи во анализата „Поделбите во политички блок на Албанците одат на штета на граѓаните и на евроинтеграциите!“
СЛОБОДНА ЗОНА
Оние кои не можеш да ги „преебеш“ велат дека сѐ уште сакам да им се додворувам на СДСМ, што само ги потврдува моите дамнешни сомнежи дека во земјата Македонија сѐ се врти (во зависност од вкусот) околу еден тањир грав и експресен лонец преполн со сарми. Така Мицкоски ја разбира политиката. Заеби возвишени идеи, заеби племенит македонски патриотизам и слични трици и шлајшупки. Потплати овде, потплати онде, шушни вамо, дај грав тамо, и така се прави држава, пишува Ненад Јовановиќ во колумната „Идејно смачкани и финансиски шокирани“
Д. Мишев