ВЕСТ НА ДЕНОТ
Уставен: Функционерите кои си поднеле оставка или биле разрешени нема да можат да земат апанажа
Уставниот суд на денешната седница го укина членот 22 од Законот за плата и други надоместоци на избрани и именувани функционери, што значи дека функционерите кои си поднеле оставка или биле разрешени нема да можат да земат апанажа.
ТЕМА НА ДЕНОТ
Руската култура како пропаганден Путинов штит
Од Љубомир Костовски
„Како кукавици, кои губат и на бојното поле и во пропагандната војна, путиновци посегнаа да се бранат со наследството на класиците на руската култура. Ова не значи дека руските ракети, во меѓувреме, престанаа да рушат опери, театри, музеи во нападната Украина, па и оние каде беа играни, печатени или изложувани руските класици!
Да упростиме – од интелектуалците во Русија се очекува да го дигнат гласот против војната. Не само што таа е ужасна и апсолутно е неоправдано дело на еден налудничав политичар, туку е вперена и кон внатре, кон јакнење на еден култ и кон осиромашување на земјата во секој поглед. Па и културен, а затворањето на земјата на ова поле треба да биде поука во таа насока. Впрочем, дали од руските ракети беа изземени градовите кои носеа имиња на руски класици во Украина или зарем не беа палени театрите кои играа автори од истокот? Гореа ли стотина симболи на културата на Украина?
ИЗЈАВА НА ДЕНОТ
„Премиерот Ковачевски денеска на Економскиот форум во Скопје, му пренесе на неговиот косовски колега Курти, дека Република Северна Македонија ги поддржува евро-атлантските аспирации на Косово и е подготвена за давање придонес во таа насока, како и дека активно го поддржува учеството на Косово во различни регионални формати на соработка. Премиерот, исто така, го поздрави постигнатиот договор за прифаќање на ЕУ предлогот за нормализирање на односите меѓу Kосово и Србија, со што ќе се гарантира мирот, стабилноста, безбедноста и напредокот, не само на двете земји, туку и на регионот во целост, се вели во соопштението од владината прес-служба.“
ФЛЕШ ВЕСТИ
ЈАВЕН ПРЕВОЗ Приватните превозници постигнаа договор со Град Скопје, очекуваат да започнат со работа од 20 март.
ПЕКАРИ Утрово најголемите пекарници не доставија полубел и бел леб откако вчера Владата донесе одлука за замрзнување на цената на овие производи на 33 денари.
БОМБИ На електронските адреси на 31 училиште во Скопје утринава е упатена закана за поставена експлозивна направа, информираа од Министерството за внатрешни работи.
ВОЈНА ВО УКРАИНА
НЕ ЗА РУСИЈА ВО УНЕСКО По вонредната седница на Комитетот за светско наследство на УНЕСКО, шеснаесет европски земји, вклучително и Литванија, се обратија до лидерите на УНЕСКО во врска со учеството на Русија во највисоките тела на УНЕСКО, што тие го оценија незаконски, објави во вторникот Секретаријатот на Литванската национална комисија за УНЕСКО.
СЛОБОДА НА ГОВОР
ЦИВИЛ: Лидерот на ВМРО-ДПМНЕ, Христијан Мицкоски, изврши груб атак против слободата на говорот
Претседателот на ВМРО-ДПМНЕ, Мицкоски, влегува во лична пресметка и со клевети и закани се нафрли врз новинарот Дерала, инаку претседател на ЦИВИЛ – Центар за слобода, организација за човекови права и слободи, пишува во соопштението на ЦИВИЛ испратено до медиумите.
AL -PRESS
(ИЗБОР) Албански медиуми: САД бараат имплементација на договорите помеѓу Србија и Косово; Специјализираното обвинителство објави имиња на убиени и исчезнати жртви; Бајден ја покани Османи на Самитот за демократија
САД го оценија договорот за спроведување на европскиот план како суштински во однос на нормализацијата на односите помеѓу Косово и Србија, а Специјализираното обвинителство во случајот проти Тачи и другите, навед имиња на дел од убиените или исчезнати жртви. Во денешниот фокус на албанските медиуми во регионот, освен горенаведените теми, редакцијата на ЦИВИЛ Медиа избра уште неколку за денешното издание на Ал –Прес.
„Украина: Година на хероизмот“
Дерала со книга за украинскиот хероизам наспроти неизмерното зло
Промоција на публикацијата „Украина-Година на хероизмот“, на Џабир Дерала, што се одржа на 24 февруари, една година од почеток на руската агресија врз Украина, како дел од истоимениот настан што опфаќаше и конференција, изложба на фотографи и промоција на филм, ги истакна 365 дена на неизмерното зло врз украинскиот народ од рускиот агресор наспроти хероизмот и жестоката борба за слобода за Украина, но и за целиот свет.
Смит: Ќе продолжиме да ја поддржуваме украинската влада, ОК и меѓународната заедница застануваат против оваа агресија и на страната на слобода, демократијата и суверенитетот на народите ширум светот
Како што Украина влегува во својата втора година живеејќи под целосно руско бомбардирање, и ние го имаме народот на Украина во нашите срца и умови за овој ужасен период во историјата на нивната нација. Многу сме тажни за оваа годишнина, рече на почетокот на своето обраќање заменичката на Амбасадорот на Обединетото Кралство, Jулиja Смит на конференција „Украина – година на хероизмот“, на невладината организација за човекови права и слободи, ЦИВИЛ – Центар за слобода и Амбасадата на Украина во Република Северна Македонија.
Амбасадорот на Чешка, Јарослав Лудва: Европејците да си ги откријат вистинските чувства и да им помогнат на Украинците
Република Чешка и Украина можеби не се соседи, Прага е далеку од Киев географски, но блиску ни се срцата. Украинците се во срцата на сите граѓани на Република Чешка. Така беше од самиот почеток на бруталната руска агресија врз Украина, вели амбасадорот на Република Чешка, Јарослав Лудва, на конференцијата „Украина: Година на хероизмот“, што се одржа на 24 февруари во организација на ЦИВИЛ –Центар за слобода и Амбасадата на Украина во Република Северна Македонија.
Истрефи: Лидерите кои ја поддржуваат Русија се подеднакво големи непријатели на нивниот народ, исто како што е и Путин
Украина ќе биде победничка затоа што стигнавме до времето во историјата што ќе го определи нашиот курс како човештво, а моделот на демократијата ќе победи, со победничката Украина како нејзиниот симбол, истакна Астрит Истрефи, извршен директор на Балкан Форум, на конференцијата „Украина – година на хероизмот“, на ЦИВИЛ – Центар за слобода и Амбасадата на Украина во Република Северна Македонија.
Д. Тахири
