ЕПОКА Е РЕ – Курти: За неколку дена ќе ја поднесеме апликацијата за членство во ЕУ
Косовскиот премиер Албин Курти во интервју за познатиот германски весник „Франкфуртер алгемајне цајтунг“ изјави дека Косово во декември ќе ја поднесе апликацијата за членство во Европската унија, и најави дека Косово ќе биде меѓу државите Украина, Молдавија и Грузија кои ќе поднесат барање за членство.
„Се договоривме да не ја спроведуваме нашата одлука за казнување на возачите на возила со нелегални српски регистарски таблички. Србија се согласи да престане да издава регистарски таблички наследени од режимот на Слободан Милошевиќ“, рече Курти меѓу другото.
„Меѓутоа, што и да каже Курти, во моментов е факт дека и ЕУ и САД инсистираат дека е неопходно здружување на српските општини на Косово. „Дали како шеф на влада на мала земја сака да ги игнорира своите најважни сојузници? Опасна игра.“ напиша Мајкл Мартенс, новинарот што го водеше интервјуто.
ТОП ЧАНЕЛ – Албанија на британската листа на назначени „безбедни“ земји, Браверман: Барателите на азил побрзо ќе бидат депортирани
Британската министерка за внатрешни работи, Суела Браверман, на списокот на безбедни земји, каде што на тие што доаѓаат од тие земји не им е дозволено да бараат азил, ја вклучи и Албанија, која има голем пораст на бројот на граѓани што се преселуваат во Велика Британија.
Албанците сочинуваат 12.000 од 43.000 луѓе кои досега оваа година го поминале Каналот со мали чамци.
Владата ќе ја оживее новата лабуристичка политика која ги става на белата листа на безбедни земји и ги обработува барањата за азил од нив во рок од 20 дена, пишува Тајмс., пренесува ТОП ЧАНЕЛ, Албанија.
ЕКОНОМИА ОНЛАЈН: Дали е доволен заедничкиот јазик?
„Дефиницијата „јазикот е првиот знак на различностите на нациите“, за да биде сеобединувачки мора да биде прифатен во принцип од поединците од заедницата кои се препознаваат во него. На тој начин, волјата за прифаќање на истите заеднички вредности е таа што станува државотворен и национален идентитет на одредена демографска единица. Заедничкиот јазик не е нужно карактеристичен елемент на секој народ. Зависи што се подразбира под нација. Има народи кои се сметаат за такви не по заеднички социолингвистички карактеристики, туку со заеднички политички акти, односно со тоа што имаат заедничка држава.“, од Артан Фуга во колумната „Дали е доволен заедничкиот јазик“ за Економиа Онлајн.
Д. Тахири
