ЦИВИЛ – Центар за слобода со поддршка од Градоначалникот на општина Куманово, г. Максим Димитриевски, организира јавен настан „Граѓански дијалози за односите меѓу заедниците: Предизвици и решенија“ во Сала на совет, Комитет на 20 јуни ( вторник), со почеток во 13 часот.
На оваа граѓанска средба се поканети претставнички и претставници на граѓанските здруженија, медиумите, локалните институции, бизнис секторот, верските заедници, политичките партии и подмладоци и заинтересирани граѓанки и граѓани.
Настанот ќе го води Дијана Тахири од ЦИВИЛ, а на почетокот ќе говорат градоначалникот г. Максим Димитриевски и претседателот на ЦИВИЛ, Џабир Дерала. По воведните излагања, ќе биде отворена дискусија со кратки излагања до пет минути. Учесниците се поканети да говорат, како за предизвиците, така и за решенијата што ги предлагаат.
На крајот од дискусијата, ќе се направат нацрт заклучоци и препораки кои потоа ќе бидат разработени во комуникација со локалните власти и ќе бидат упатени на соодветни институции и организации.
