По денешната официјална посета на австрискиот канцелар, Себастијан Курц, во Македонија, тој за референдумот изјави дека тоа е одлука на секој поединец, но како пријател на Македонија и како активна земја членка на ЕУ, сметаат дека би било многу позитивно доколку има големо учество и позитивен исход на референдумот.
На новинарско прашање каква е неговата порака до опозициската ВМРО-ДПМНЕ со која се сестрински партии во ЕПП, Курц рече дека е сосема иста како онаа што ја испратил до премиерот и до граѓаните – важно е Македонија и балканските држави да имаат европска перспектива и да ја искористат, а дел од тоа е и решавањето на прашањето за името.
Премиерот на Австрија, Себастијан Курц, денеска се сретна и со претседателот на Демократската унија за интеграција (ДУИ), Али Ахмети.
Како што соопшти ДУИ, на средбата станало збор за предизвиците на Македонија и регионот, а австрискиот премиер ја истакнал големата поддршка од Австрија за евроатланската интеграција на Македонија и за потребата од понатамошни реформи.
За ВМРО-ДПМНЕ е неприфатлив договорот со Грција и со него дополнително државата се става во незавидна ситуација, а референдумското прашање се користи од власта за создавање на свесна забуна кај граѓаните.
Ваква порака му пренел лидерот на ВМРО-ДПМНЕ Христијан Мицкоски на австрискиот канцелар Себастијан Курц, кој е во посета на Македонија.
Владата на Република Македонија упатува извинување до Република Австрија за ненамерниот протоколарен пропуст при посетата на сојузниот канцелар, Себастијан Курц, во Република Македонија, со поставувањето на латвиското место австриското знаме пред зградата на Владата.
Државната изборна комисија (ДИК) денеска треба да го заклучи Избирачкиот список за референдумот закажан за 30 септември.
Во 15:30 часот ДИК ќе одржи седница на која ќе го заклучи Избирачкиот список и на која ќе го соопшти бројот на гласачи кои ќе можат да се изјаснат на референдумот.
Пратениците ја почнуваат кампањата за референдумот закажан за 30 септември. Денеска се одржува последната седница пред одржување на референдумот, а активностите се очекува да започнат од понеделник.
Подобрување на транспарентноста, правната сигурност и ефикасноста на судството во Македонија има за цел Меморандумот за соработка потпишан денеска меѓу министерката за правда Рената Дескоска, претседателката на Центарот за правни истражувања и анализи Лидија Стојкова Зафировска и новоназначената амбасадорка на Обединетото Кралство на Велика Британија и Северна Ирска, Рејчел Галовеј. Соработката ќе се реализира до крајот на март 2020 година.
Ангела Петровска
