Пожар е изгаснат во нуклеарна централа во западниот руски Курски регион, а воздушната одбрана собори украински дрон, соопштија руски официјални лица, пренесува Би-би-си.
Дронот детонирал кога паднал и оштетил трансформатор, но нивото на зрачење било нормално и немало жртви, се вели во објава од сметката на централата на апликацијата за пораки Телеграм.
Ова се случува додека Украина го слави својот Ден на независноста во недела, што го одбележува прогласувањето на независноста на земјата од Советскиот Сојуз во 1991 година.
Меѓународната агенција за атомска енергија (МААЕ) на Обединетите нации постојано ги повикува и Русија и Украина да покажат максимална воздржаност околу нуклеарните постројки во војната.
Украина не коментираше за руското обвинување во врска со нуклеарната централа во Курск, регион каде што украинските трупи накратко извршија инвазија во неочекувана воена контраофанзива против Русите минатата година.
Д. Мишев
