ВЕСТ НА ДЕНОТ
Владата ги намали цените на тестенините за 15 отсто, а на млечните производи за 10 проценти
Тестенините поевтинуваат за 15 отсто, а млечните производи за 10 проценти и нивните цени ќе се замрзнат. Со одлуката цената на тестенините ќе се намали за 8-9 денари, односно минимум за 15 отсто, а за овие продукти се укинуваат и увозните царински давачки од 13 март до 31 мај 2023 година.
ИЗЈАВА НА ДЕНОТ
Славјанка Петровска за ЦИВИЛ Медиа од Криволак: Преку билатерална соработка со земји членки на НАТО до решение за сајбер и хибридните напади во земјава
Пред неколку дена имавме средба со претставник од НАТО, кој дојде во земјата за да ја скенира ситуацијата со капацитетите на институциите кои се вклучени во борбата со сајбер и хибридните напади, изјави за ЦИВИЛ Медиа министерката за одбрана Славјанка Петровска по повод воената вежба сто се одржа денеска во Криволак. Таа меѓу другото истакна дека сојузниците се тука за да даваат поддршка и да се помагаат меѓу себе, и дека веќе се разговара со која од земјите членки на Алијансата, ќе развиеме подетална билатерална соработка за адресирање на ова прашање.
ВОЈНА ВО УКРАИНА
Белгија го призна Хлодомор како геноцид Претставничкиот дом на Парламентот на Белгија го призна Холодомор од 1932-1933 година како геноцид врз украинскиот народ, Повеќе од 20 земји ширум светот официјално го признаа Холодомор како геноцид на украинскиот народ.
САД со санкции за Кина поради иранските дронови САД објави санкции против мрежата на кинески компании кои го снабдуваа Иран со резервни делови за воени беспилотни летала, вклучувајќи го и Шахед-136, наведува Канцеларијата за контрола на странски средства (OFAC)
ФЛЕШ ВЕСТИ
ЗАМРЗНУВАЊЕ НА ЦЕНИТЕ НА ШЕЌЕРОТ, ЈАЈЦАТА, ОРИЗОТ Идната недела ќе се направат анализи и ќе се утврди дали ќе бидат замрзнати цените и на шеќерот, јацата и оризот, рече денеска министерот за економија Крешник Бектеши, цените најверојатно ќе се замрзнат ако производителите не ги намалат.
ЗАКОНСКИ ИЗМЕНИ ЗА НАБАВКА НА „ТРИКАФТА“ Со законските измени за набавка на лекови кои се произведуваат од еден производител, односно кога станува збор за патентиран лек, се решава децениски проблем на пациентите со цистична фиброза и ретки болести
ГРАЃАНИТЕ ДОЛЖАТ; БАНКИТЕ ПРОФИТИРААТ Минатогодишниот чист банкарски профит, по оданочување, е 157,3 милиони евра, покажуваат податоците од Народната банка. Ако се споредат податоците со 2021 година која ја завршија со профит од 148,8 милиони евра, излегува дека лани вкупната добивка на 13 банки во земјава се зголемила за 8,5 милиони евра, или за 5,7 отсто, што не е импозантен плус за еден вака во принцип солидно профитабилен сектор.
ПОМОШТА ОД ЕУ ЗА НАДМИНУВАЊЕ НА ЕНЕРГЕТСКАТА КРИЗА Со неповратните 80 милиони евра од ЕУ заедно ја надминуваме енергетската криза. Владата преку пакет мерки навремено и правилно ја насочи помошта за заштита на стандардот на граѓаните и бизнис секторот. Одговорното однесување и од Владата и од граѓаните даде резултати. Зимата поминува, а кризата не удри врз грбот на граѓаните, напиша на Фејсбук вицепремиерот и главен преговарач во евроинтегративните процеси, Бојан Маричиќ.
ОДЛОЖАНО СУДЕЊЕТО ЗА „ИМПЕРИЈА“ Во Основниот кривичен суд Скопје денеска се одложи судењето за случајот „Империја“ против преостанатите три лица од предметот, по спроведената истражна постапка против 19 лица.
МОЖНИ МОДАЛИТЕТИ ЗА ВЕТИНГ ВО СУДСТВОТО Министерот за правда Кренар Лога започнал консултации со внатрешни и меѓународни фактори за можните модалитети на ветинг. Тој откри дека на средбата со евроамбасадорот во Скопје го искажал своето мислење дека на земјава не и треба разочарување на граѓаните како што се случи со поранешното Специјално јавно обвинителство. Доколку нема поддршка од ЕУ и од САД, министерот Лога рече дека не може да има процес на ветинг.
(ИЗБОР) Албански медиуми:
Русија предвидува неуспех на дијалогот помеѓу Косово и Србија; Курти е подготвен да го потпише договорот на 18 март во Охрид; нов мега скандал во Албанија со пловечките ТЕЦ
РЕГИОН
АЛБАНИЈА По успешното завршување на фазата на имплементација, пловечката фотоволтаична централа во Елбасан започна со работа.
СВЕТ
ЕВРОПСКА УНИЈА Европскиот совет денеска соопшти дека Претседателството на Европскиот совет и преговарачите на Европскиот парламент постигнале прелиминарен договор за намалување на потрошувачката на енергија за 11,7 отсто до 2030 година на ниво на ЕУ
МУЛТИКУЛТУРА
Нов проект на ЦИВИЛ „Заедно за подобра иднина“ за промоција на мултикултурализмот и европските вредности
ЦИВИЛ почна со имплементација на новиот проект „Заедно за подобра иднина“ со поддршка од Министерството за надворешни и европски работи на Големото Војводство Луксембург, за промоција на мултикултурализмот и европските вредности во земјата. Проектот предвидува низа активности за поттикнување на позитивни промени во општеството и поттикнување на заедниците да работат заедно за подобра иднина.
СЛОБОДНА ЗОНА
Од сите пораки кои беа испратени од маршот за правата на жените на 8-ми Март, се издвојува пораката „Црквата нека одјебе“. Оваа порака ги навреди чувствата на голем број верници. И со право реагираат за говор на омраза, бидејќи не може да се бориме за своите права, навредувајќи ги правата на другите! Нашите „крстоносци“ ќе ја распнуваат на крст девојката само затоа што напишала „црквата нека одјебе“, без да и приложат докази и аргументи дека борбата за правата на жената треба да се насочи кон институциите, а не кон религиозните храмови. Сепак сме секуларна држава нели!
.Д. Мишев
