Добредојдовте во Currents: Global Perspectives Unplugged. На само еден ден од денот на изборите, ни се придружува политичкиот стратег Ким Девлин за да разговараме за итните прашања кои влијаат на гласањето во САД. Од раздорна реторика и бранови на дезинформации до руско влијание и безбедност на изборите, ги истражуваме итните предизвици со кои се соочуваат гласачите и демократијата.
На само малку повеќе од еден ден пред клучниот политички настан во Соединетите Држави и глобално, изборите во Соединетите Држави, го гледаме овој политички процес како еден од најважните, ако не и најпредизвикувачкиот процес во светот и веројатно во поновата историја на Соединетите Држави, ако не и во целата историја на Соединетите Држави кога зборуваме за избори.
Со исклучиелно разединувачка реторика, барем од републиканскиот кандидат, г-дин Трамп, со лавини, ако не и урагани на дезинформации и лажни наративи, како што се тие ги јадат кучињата, тие ги јадат мачките и миленичињата, или други лажни наративи што сме слушнале, вклучително веќе и подготвување на делот на републиканците, или поточно, следбениците на МАГА, за тоа дека изборите ќе бидат украдени, како и засилените безбедносни мерки низ САД, имајќи предвид дека тензиите се доста високи, а изборната трка меѓу кандидатите – потпретседателката Камала Харис и поранешниот претседател Доналд Трамп, трката е изедначена, многу тензична и пропратена со многу упади од странски, глобални странски центри на моќ, главно од Москва, постојат докази за руско влијание веќе во минатото како и во овој изборен процес.
ЦИВИЛ МЕДИА: Со сето тоа кажано и со сé што допрва треба да се открие, зборувам со Ким Девлин, политички стратег од Соединетите Американски Држави. Во Њурок е 13.00 часот и 19.00 часот во Скопје, Северна Македонија и би сакал да кажам здраво Ким, како сте?
ДЕВЛИН: Добро сум, вознемирена сум, но добро.
ЦИВИЛ МЕДИА: Можам да замислам. Па, мислам дека не можам да замислам колку сте зафатени, но тоа значи дека треба да продолжам директно со прашањата кои се најгорливи во моментот, така што ќе преминам на прашањата. Каква е состојбата на изборното поле сега во САД, на само ден и пол, да речеме, пред изборите?
ДЕВЛИН: Па, знаете се чини дека е мртва трка, никој не може да каже. Единствените двајца во цел САД на кои се чини им е јасно кој ќе победи се двајцата кандидати, Камала Харис и Доналд Трамп и нивните соодветни табори. Но, знаете анкетите се чини дека се изедначени, особено во државите на бојното поле. И знаете, морам да ви кажам дека веќе не сум сигурна колку навистина им верувам на анкетите. Мислам, секако, се потпирам на нив во моите кампањи на кои работам. Тоа е како, знаете, за мене, ако не ги искористиш своето анкетирање за да помогнеш да се вклучиш во твојата стратегија, тогаш некако леташ на слепо и тоа никогаш не сакам да го правам.
Знаете, како дури и јас да станав цинична, што навистина е тажно, затоа што никогаш, никогаш не сум била цинична. Но, потоа мислам, добро, колку тие ја играат оваа „мртва трка“ за медиумите, па луѓето остануваат во тек? Мислам, да бидам искрена, тоа секако им помага на двете кампањи да бидат во мртва трка, затоа што тогаш вашите подржувачи мислат дека треба сé повеќе и повеќе да работат, што е одлично, знаете, што е добро. Морам да ги замислам и двете кампањи на тој начин, но, не знам. Мислам ќе ги знаеме резултатите кога ќе ги знаеме. Но, има работи, знаете, некои луѓе велат, па, акетите, не ги опфаќаат сите гласови. Знаете, Трамп секогаш има слаби резултати на анкетите. Но, тоа го кажаа во 2020 година, а тој многу солидно изгуби во 2020 година. Па знаете, еден интересн факт што јас цело време го зборувам тука во САД а тоа е како Трамп, повторно мое мислење, го изгуби гласањето на народот во 2016 година. Тој навистина го освои Изборниот колеџ, што го направи претседател. Не сум сигурна колку руското влијание влијаеше на тоа. Мислам доста. Но, фактите се дека тој го загуби народниот глас, го освои Изборниот колеџ.
Тоа беше во 2016 година, што не беа федерални избори, но, имаше многу општински избори низ земјата, а републиканците поминаа страшно. Демократите, всушност поминаа навистина солидно. А во 2018 година, се извинувам, да, имаше федерални избори. Демократите и луѓето од конгресот поминаа многу подобро отколку што се очекуваше на тие избори. Потоа ги имате изборите од 2020 година, на кои Трамп јасно ги загуби и народното гласање и Изборниот колеџ, на кои Претседателот Бајден стана претседател. А потоа ги имавте изборите од 2021 година, кои повтрно беа општински избори ширум земјата. Демократите поминаа одлично, републиканците ужасно. Ги имавте и во 2022 година. Јас сум во Њујорк во моментов, всушност на Лонг Ајленд, ние всушност не поминвме добро на конгресните избори на Лонг Ајленд, но тоа немаше никаква врска со претседателските. Тоа беа целосно локални прашања тука. Но, во останатиот дел од земјата, демократите поминаа одлично. Републиканците поминаа ужасно. Значи, факт е дека Трамп не е толку успешен на денот на изборите. Знаете, ќе видиме што ќе се случи во вторник. Но, тој, тој изгуби многу повеќе отколку што освои, што е чудно бидејќи тој беше претседател четири години, а уште почудно е кога ќе размислите за неговото влијание врз републиканската партија и барем веројатно половина од земјата.
ЦИВИЛ МЕДИА: Да, точно. Но, знаете, се чини, барем од другата страна на океанот, дека наративите кои се промовираат од страна на кампањата на г-дин Трамп се сосема видливи. А сега знаеме дека руските и неколку други глобални пропагандни центри му помагаат во ширењето на дезинформациите и лажните наративи, како што е мачките и кучињата, јадење мачки и кучиња. Кои се главните наративе сега на МАГА следбениците на г-дин Трамп и МАГА следбениците кои всушност го привлекуваат вниманието на гласачите на Соединете Држави, но и глобалното внимание?
ДЕВЛИН: Значи, од самата кампања, тоа се лажни вести, но не доаѓаат од надвор, од лоши актери, тоа се всушност кампањата на Трамп и неговите следбеници, особено следбениците на МАГА. Мислам, ако ги слушате, знаете, го имаме нивниот збор „илегалци“, ви ја водат државата, ви ја превземаат нашата држава, и дека само поради Џо Бајден и Камала Харис, знаете, нашата економија, ако ја изберете Камала Харис, ќе немаме работа, ќе немаме трговија. Доналд Трамп всушност вчера рече дека ако Камала Харис победи, дека Соединетите Држави ќе влезат во длабока депресија, во стилот на Хувер, во рок од три дена. Значи, тие навистина ја засилуваат реториката. Мислам дека тоа доаѓа од очајот и малку, знаете, од неговата стратегија, која се чини дека фрла сé на таванот за да види што ќе се залепи. А тажниот дел е што нешто ќе се залепи. Добрата вест е што се лепи само на луѓето кои веќе го поддржуваат него. Значи, тоа е она што самата кампања, самата МАГА сила го разглласува. Го спомнавте влијанието од надвор, знаете од нациите. Да, дефинитивно Русија, мислам и Иран, Кина, и тие се многу пософистицирани од тоа што беа во 2016 година, па дури и во 2020 година. Тие се многу посифистицирани, всушност многу потешко можат да се следат, што е страшно. Тие целосно ја користат вештачката интелегенција, со тоа што знаете ако е Чет ГПС или што и да е затоа што всушност ФБИ неодамна испрати известување дека има две видеа кои се доста широко споделувани, а кои се целосно лажни видеа и се следени назад до Русија, дека се создадени во Русија, иако не знаат точно кој тоа го направил, но тие се во Русија, тие се во Москва. Значи, еден од нив е, знаете, го спомнавте јадењето мачки и кучиња, а тоа беа Хаиќаните и мислам дека беше Спрингфилд, Охајо, не можам да се сетам сега. Тотално смешно, тотално лажно, тотално измислено. Но, сега имаат видео кое се чини дека се врти на интернетот како Хаиќаните, „илегалците“, гласаат на нашите избори, како влегуваат предвреме да гласаат.
ЦИВИЛ МЕДИА: Со неколку различни лични карти. Тоа беше дезинформацијата. Всушност, целата дезинформација.
ДЕВЛИН: Тоа е целосно лажно. И знам дека вие знаете, вие веројатно сте на чело на организација, знаете дека мора да бидете малку дипломатски, потенцијално за тоа како зборувате. Едновремено работев за „Media Matters for America“, која беше група од типот на набљудувачка група овде во САД, медиумски набљудувач, и нам не ни беше дозволено да го користиме зборот лага или лажна, тоа беше дезинформација мислам.
Подготви: Д. Мишев
Транскрипт и превод: Н. Цветковска
