ВЕСТ НА ДЕНОТ
Адем Чучуљ едногласно избран за шеф на Антикорупциска
Собранието денес едногласно го избра Адем Чучуљ за нов претседател на Државната комисија за спречување на корупцијата. Од 82 пратеници кои гласаа, сите 82 му дадоа поддршка, со што Чучуљ на чело на Антикорупциска стапува со редок политички консензус околу неговото име.
Мандатот на Чучуљ започнува во момент кога Антикорупциска излегува од турбулентен период. Неговата претходничка Татјана Димитровска поднесе оставка откако против неа беше покренато обвинение во случајот „Адитив“ – за наводно оддавање службена тајна и компјутерски фалсификат. Тој факт дел од јавноста го чита како доказ дека и Антикорупциска не е имуна на притисоци и грешки, а други потсетуваат дека Чучуљ како генерален секретар беше дел од раководниот тим во истиот период, па новата функција ќе значи и своеобразен тест за неговата лична дистанца од старите практики.
РЕГИОН
Централната изборна комисија на Косово не ја сертифицира Српска листа за парламентарните избори, реакции од меѓународната заедница
Централната изборна комисија на Косово не ја сертифицираше Српска листа – најголемата партија на косовските Срби – за предвремените парламентарни избори на 28 декември. Препораката за сертифицирање на Српската листа, која ја ужива поддршката на Белград, доби само 2 гласа „за“, 2 „против“ и 7 „воздржани“ за време на состанокот на ЦИК во вторник попладне.
СВЕТ
ЕУ ја става Русија на црната листа за перење пари
Европската комисија одлучи да ја додаде Русија на својата црна листа на земји со висок ризик од перење пари и финансирање на тероризам. Црната листа се става во време кога извршната власт на ЕУ се обидува да го прекине отпорот на Белгија кон користењето на приходите од замрзнатите средства на Москва за финансирање на Украина.
ПРАШАЊЕ НА ДЕНОТ: Што мислите за проектот „Безбеден град“?
ИНТЕРВЈУ
Пендаровски за ЦИВИЛ (2): Србија не нè турка во „српскиот свет“, нашите политички гарнитури го прават тоа
Во вториот дел од големото ексклузивно интервју за ЦИВИЛ, проф. д-р Стево Пендаровски отворено и прецизно одговара на прашањето за влијанието на Србија и концептот на „српскиот свет“ врз стабилноста на Северна Македонија и регионот.
ДЕЗИНФОРМАЦИИ
Кога вистината е непријатна: Што навистина изјави Пендаровски, а што му припиша владејачката ВМРО-ДПМНЕ
Во реакцијата на интервјуто на поранешниот претседател проф. д-р Стево Пендаровски за ЦИВИЛ, владејачката ВМРО-ДПМНЕ не полемизира со фактите и аргументите, туку со сопствена конструкција – извадена од контекстот и спротивна на суштината на интервјуто. Се работи за класичен политички спин со кој јавноста се манипулира. Ова соопштение, исто така, претставува учебнички пример за тоа како се креираат дезинформации и лажни наративи.
СЛОБОДНА ЗОНА
„Ако тргнеме од технолошките сличности, мора да се признае дека системите Безбеден град и Паметен град навистина се совпаѓаат во повеќе точки. И двата концепти се потпираат на големи бази на податоци, камери, сензори, алгоритми и вештачка интелигенција, како и на интегрирана градска инфраструктура. Од технички аспект, овие системи можат да придонесат за подобрување на безбедноста и одредени јавни услуги. Но тука завршуваат сличностите: нивната намера, употреба и последици за демократијата се суштински различни. Системот Паметен град е насочен кон подобрување на животот на граѓаните, додека Безбеден град во пракса најчесто се претвора во алатка на државата за засилен надзор и контрола“, пишвуа Џабир Дерала во „Безбедноста мора да ѝ служи на слободата – а не да ја замени!“.
Подготви: Б. Јордановска
