Десетици девојки и жени, главно студентки, излегоа денеска на улиците на западниот авганистански град Херат, протестирајќи поради забраната за образование на жените воведена од талибанските власти, објави Си Ен Ен.
Демонстрантките, поделени во помали групи, извикуваа „образованието е наше право“ и се собраа пред канцеларијата на гувернерот на провинцијата, изјави една од учесничките на протестот за германската новинска агенција ДПА.
Талибанските сили се обидоа да ги растераат со водени топови, стапови и палки, истакна друга демонстрантка. На снимки од настанот може да се забележи како пожарникарско возило ги полева демонстрантките со вода, која се чини дека била измешана со некакви хемикалии.
The heroic women of Afghanistan out on the streets of Herat today to protest against the Taliban’s BAN on female students going to university. They scream “cowards” at the Taliban.
The Taliban fire water canons at the protesters. pic.twitter.com/9O34xFFbf6
— Shabnam Nasimi (@NasimiShabnam) December 24, 2022
Одлуката на Талибанците да им забрани на девојчињата и жените да посетуваат училишта и универзитети наиде на силна меѓународна критика.
Министерот за високо образование на Талибанците изјави дека забраната за универзитетско образование на жените е воведена поради фактот што студентките не се придржуваат до строгите правила за облекување, доаѓале на предавања без машка придружба и се мешале со студенти.
Fearless girls out protesting today in Herat city and chanting — “Education is our human right.”
It’s worth knowing that these girls are putting their lives at risk by even stepping out of their house. But Afghanistan’s women won’t be silenced.pic.twitter.com/AZkLLWfKWo
— Shabnam Nasimi (@NasimiShabnam) December 24, 2022
Жените и девојчињата се главно исклучени од јавниот живот откако Талибанците ја презедоа власта во Авганистан во август минатата година.
Министерството за економија вчера им наложи на сите локални и странски невладини организации да им забранат на своите работнички да доаѓаат на работа, што е уште еден пример за задушување на слободите на жените во таа земја.
Работничките не смеат да работат до натамошно известување бидејќи некои од нив не ги почитувале владините правила за носење хиџаб, шамија што ги покрива косата и вратот, а која жените треба да ја носат на јавно место.
Американскиот државен секретар Ентони Блинкен вчера изрази „длабока загриженост“ дека забраната за жените да вршат хуманитарна работа во Авганистан ќе ја загрози виталната помош која спасува милиони животи.
Жените се клучни за хуманитарните делувања ширум светот. Оваа одлука ќе биде погубна за авганистанскиот народ, напиша Блинкен на Твитер.
Т. Г.