КОХА: Нови барикади на северот на Косово
На северот на Косово поставени се две нови барикади, една во Северна Митровица и една во Звечан, на местото познато како Керши и Дуда, потврди косовската полиција за Радио Слободна Европа, пренесуваат косовски медиуми.
Барикадата лоцирана во Северна Митровица се наоѓа на раскрсницата од Техничкото училиште, соопшти полицијата.
Оваа локација се наоѓа во близина на Бошњачката населба , која е мултиетничка, каде живеат Албанци, Срби и Бошњаци, а патот каде што се наоѓа барикадата е еден од патиштата што ги поврзува Северна и Јужна Митровица.
БалканВеб – Србија ги стави војниците во состојба на готовност поради зголемените тензии
Српската армија вели дека е на „највисоко ниво на борбена готовност“ по неколкунеделните ескалации на тензиите меѓу Србија и Косово, јавува BBC, пренесуваат косовските медиуми.
Српскиот претседател Александар Вучиќ рече дека „ќе ги преземе сите мерки за да го заштити нашиот народ и да ја зачува Србија“.
Растресувањето со сабја е погласно од кога и да е и ги следи тврдењата на медиумите дека Приштина подготвува „напад“ врз областите на етничките Срби во северно Косово.
Владата во Приштина не ги коментираше овие наводи.
КПП: „Дали ќе има предвремени избори во 2023 година?“
„Дали власта ќе биде принудена да ја прифати понудата на опозицијата – гласање за уставни измени по распишување на предвремени избори?
Сето тоа ќе зависи од должината на процесот на скрининг. Овој процес, започнат во јули оваа година, значи детална анализа за секоја област на политика (поглавје), за да се утврди колку добро земјата е подготвена.“, извадок од колумната „Дали ќе има предвремени избори во 2023 година“ од Џелал Незири објавена во КДП.
ПАНОРАМА: За континуираната политика на провокација на Белград, одговорен е и Еди Рама
„Одговорен за провокативната политика на Србија е и премиерот на нашата земја, Еди Рама, кој ги поддржа иницијативите на Белград, давајќи му доминација во регионот. Тој додаде дека нејаснотиите на официјална Тирана не послужиле за зајакнување на позицијата на Косово, туку го ставиле под непотребен притисок да стане дел од иницијативата Отворен Балкан.“, изјави Илир Мета, пренесува албанскиот портал ПАНОРАМА.
ШЕЊА: „Шенгенот се спушта на Западен Балкан“
“Границите на Европската унија се спуштаат до балканските земји врз основа на начелата кои таа ги најавува и кои се засноваат на заслугите и реформите што ги презема секоја земја. Во конкретниот случај, Хрватска беше прифатена со целосно едногласност, додека Бугарија и Романија беа повторно блокирани за влез, иако и двете земји чекаат зелено светло од 2011 година кога нивната прва апликација за влез во Шенген беше одбиена од Франција, Германија, Финска, Шведска, Холандија и Белгија.“, извадок од колумната „Шенгенот се спушта на Западен Балкан“ од Пелумб Нако.
Д. Тахири
