САФИТ ЗЕЌИРИ
Очигледно новата Влада се формира без проблем и неделава ќе се презентираат кадровските решенија, и продолжувањето на процедурата во Собранието за новиот владин состав.
Очекувањата се големи за почетокот со работа и усогласената програма со јасни цели за исполнување на ветувањата и договорите меѓу трите коалициони партнери СДСМ, ДУИ и Алтернатива за составот на новата влада. На програма како приоритети се економијата, зголемување на ефикасноста во извршувањето на работите на институциите, справувањето со пандемијата, борбата против криминалот и корупцијата, задржување на животниот стандард на граѓаните и посветеноста на унапредување на државата кон европското семејство.
Се разбира, ова рангирање е под влијание на последните случувања во државата, што значи дека треба да се реализираат оваа година за да се докаже пред граѓаните за дадените ветувања од последните парламентарни избори 2020 година.
За економијата важни се економските програми кои не можат да бидат добро имплементирани без луѓе со професионално знаење и искуство потребни за справување со кризата. Економските програми кои треба да ја извлечат земјата од криза мора да бидат управувани од професионалци во институциите.
До пред некое време имаше многу дискусии за тоа што треба да биде приоритет на една влада. Изненадувачки ќе биде фокусирањето на подобрување на условите за работа во сите државни институции и решавање на време со сите предмети и почитување на роковите без многу чекање. Со што ќе се создаваат ефективни институции кои ќе и овозможуваат на владата да се справи со повеќе од еден приоритет истовремено.
Пандемијата ги зголеми последиците секаде низ светот, така што нема утеха да се продолжи со стариот стил и да се гледа само на еден приоритет. Мерките не се спроведуваат доколку институциите одговорни за нивното спроведување се неефикасни. Веќе знаеме дека само носењето закони не е доволно за да се реши проблем, туку ни требаат и соодветни институции, исто така и ангажирање на повеќе експерти од областа на медицината за да се намали бројот на заразени од Корона вирусот.
Самата институционална реформа ќе биде удар за корупцијата, но и за криминалот, со што би овозможила борба против административната корупција која доаѓа во различни форми. Еден од големите проблеми е и демотивирањето на кадарот бидејќи на клучни позиции се инсталирани политички личности кои меѓу другото покажуваат и фаворизирање во оценувањето на кадарот. Реформа која ги елиминира ваквите проблеми во институциите, директно би влијаела на зголемување на нивната ефикасност и борба против криминалот и корупцијата.
Стандардот на живеење се мери со нешта кои лесно се квантифицираат, како што се приходите, можностите за вработување, месечните трошоците за стоки и услуги и сиромаштија. Секој сака да има соодветен или висок животен стандард и да ужива во сите удобности достапни во и околу него во својот живот. За да има основен животен стандард треба да има толку многу заработка. Без доволно заработка не може да се очекува да се има ниту основниот животен стандард.
Како приоритет на програмата на новата влада за посветеноста и унапредување на државата ко европското семејство е да се гарантираат стабилни институции кои гарантираат демократија, владеење на правото, човекови права и почитување и заштита на малцинствата, вклучително и почитување на целите на политичката, економската и монетарната унија.
Останува после првиот викенд од ова година да биде закажана седницата за избор на новата Влада и отпочнување со реализација на овие приоритети од програмата на новата коалиција со нов мандатар.
