Полицијата во Украина го идентификуваше рускиот воен командант кој пукаше во автомобил со цивили во Харкивската област и за тоа се пофалил на својата сопруга, објави обвинителството на Харкивската област на 21 март, пренесува The New Voice Of Ukraine.
Инцидентот се случи на 23 јуни 2022 година, во близина на селото Велика Комишуваха, област Изум. Маж и жена од Украина се возеле со автомобил мазда до Бахмут за да ги евакуираат своите постари родители.
Додека возеле, во нивниот автомобил било пукано од руската војска.
Жената се обидела да го спаси сопругот, но агресорите продолжиле да пукаат.
Украинската војска во тој момент вршела извидување со беспилотни летала во областа и го снимила инцидентот. Украинските вооружени сили испратија белешка на дронот со натпис „Следи ме“ за да се обидат да ги спасат луѓето.
Кога го видела леталото, жената не била сигурна како да продолжи, но го следела бидејќи тоа бил единствениот начин да го спаси нејзиниот живот и животот на нејзиниот сопруг.
Дронот ја одвел до позициите на украинската војска.
Во меѓувреме, руски војници се приближиле до застреланиот автомобил и помислиле дека човекот е мртов. Неговото тело го фрлиле во канал покрај патот.
Човекот бил во несвест околу 30 часа, а потоа се освестил и можел да оди до базата на украинските вооружени сили.
Се покажа дека рускиот војник кој пукал во цивилниот автомобил е командант на моторизирана единица на руските вооружени сили од Москва. Тој беше идентификуван бидејќи се слуша како се фали за инцидентот на сопругата во телефонскиот повик што го пресретнаа украинските безбедносни служби.
Возејќи борбено возило на пешадија, тој употребил митралез со голем калибар и го застрелал автомобилот во која била брачната двојка.
Се очекува полицијата да го стави осомничениот на потерница.
Подготви: Д. Мишев