Главна точка на дневниот ред на седница на албанската Централна изборна комисија (ЦИК) ќе бидат барањата за регистрација на двете групи на Демократската партија, судењето на поранешниот министер за одбрана Фатмир Медиу, за случајот „Грдец“, не се одржа поради негово отсуство, а според најновиот извештај на Фридом Хаус, во Албанија најголем проблем е корупцијата и организираниот криминал.
Ова се дел од изборот на темите на редакцијата на ЦИВИЛ Медиа од албанските медиуми во регионот.
РТШ: ЦИК денеска ги регистрира партиите, се одлучува која ПД ќе биде регистрирана, на Алибеај или на Бериша
„Државниот комесар за избори Илирјан Челибаши се очекува во денеска ( четврток, 9 март) да одлучи за регистрацијата на некои партии на локалните избори на 14 мај.
Главниот фокус ќе биде на барањата за регистрација на двете групи на ПД, едната на Сали Бериша, познат како „Ритемелими“, а другата на Енкелејд Алибеај, кој е познат како официјален претставник.
Судирот меѓу нив за да ја водат ДП доведе до прашањето која групација ќе ја претставува најголемата опозициска партија.“, пренесе албанскиот државен медиум РТШ.
ТВКлан: Судењето на Фатмир Медиу за случајот „Грдец“ не се одржа
„Немањето обвинители во судницата е причината за одложување на прелиминарното рочиште за досието „Грдец“. Тие најавија дека се во странство поради работни причини.
Ниту обвинетиот во овој процес Фатмир Медиу не се појави пред црните одреди. Во просторијата беа само адвокатите и судот го одложи рочиштето за 23 март во 14:00 часот.
Судијката Ирена Ѓока мора да одлучи дали Фатмир Медиу ќе биде предмет на судска постапка или не.“, пренесе албанската ТВКлан.
Албеу – Фридом Хаус: Слободата во светот, пад 17 години по ред/ Во Албанија проблем со корупцијата и организираниот криминал
„Ејми Слиповиц, од организацијата Фридом Хаус, во разговор за Гласот на Америка рече дека Албанија не бележи никаква промена од минатото. „Од позитивната страна, слободата на вероисповед и слободата на собир се генерално почитувани области. Има области кои можат да се подобрат. Политичките партии се многу поларизирани, а корупцијата и организираниот криминал сè уште остануваат сериозни проблеми“, рече таа.“, пренесе албанскиот медиум Албеу.
Телеграфи: Се очекува денеска Советот на министри на ЕУ да ја одобри либерализацијата на визите за Косово
„На денешниот дневен ред на седницата на Советот на министри на Европската унија ќе биде одобрувањето во прво читање на визната либерализација за Косово.“, пренесе косовскиот дневник Телеграфи.
РТВ 21- Слобода во светот: Косово меѓу земјите со најголеми подобрувања
„Во најновиот извештај на организацијата Фридом Хаус за слободата во светот, Косово е на третото место на листата по подобрувањата на ова поле.“, пренесува косовската РТВ21.
БалканВеб:„Југословенската тајна служба покажала интерес за антизогистичка емиграција, конзулот во Бари добил 4.000 златници“/ Досие на УДБ за албанскиот политички егзил
„Српско-словенечко-хрватската влада и југословенската разузнавачка служба покажаа голем интерес за албанската емиграција, особено онаа во Италија. Тогашниот југословенски конзул во Бари (1926 г.), добил 4.000 златници за помош на албанската емиграција. Во тоа време југословенските агенти започнаа строга пропаганда да ги убедат албанските емигранти да ја прифатат месечната помош што ја нуди Белград, за да ги врзат за себе.“, извадок од анализата „Југословенската тајна служба покажала интерес за антизогистичка емиграција, конзулот во Бари добил 4.000 златници“/ Досие на УДБ за албанскиот политички егзил“ во рубриката „Досие“ на Балкан Веб.
Д. Тахири
