Поранешниот претседател Бил Клинтон ја обвини администрацијата на Трамп дека го лаже американскиот народ за убиствата во Минеаполис што ги извршија федералните службеници за имиграција.
Во изјава од неделата, поранешниот демократски претседател жестоко ги осуди „ужасните сцени“ во Минеаполис „за кои никогаш не помислив дека ќе се случат во Америка“.
„Луѓе, вклучително и деца, беа одземени од нивните домови, работни места и улиците од страна на маскирани федерални агенти. Мирни демонстранти и граѓани кои го остваруваа своето уставно право да го набљудуваат и документираат спроведувањето на законот беа уапсени, тепани, беа погодени со солзавец и, најжестоко, во случаите на Рене Гуд и Алекс Прети, застрелани и убиени“, изјави Клинтон, осврнувајќи се на двајца 37-годишни жители на Минеаполис кои беа застрелани и убиени овој месец од федерални службеници.
Клинтон жестоко ја осуди и администрацијата за начинот на кој реагираше на убиствата.
„За да биде уште полошо, на секој чекор, одговорните нè лажеа, ни велеа да не веруваме во она што го видовме со свои очи и промовираа сè поагресивни и антагонистички тактики, вклучително и попречување на истрагите од страна на локалните власти“, рече Клинтон.
Одделот за внатрешна безбедност (DHS) ги бранеше убиствата, тврдејќи дека агентот испукал „одбранбени истрели“ кон Прети, кој имал пиштол што го пронашле федералните власти. Прети, болничар при одделението за интензивна нега во болница на Вирџинија, имал дозвола да носи огнено оружје.
Американската демократска јавност е згрозена. Активистите на социјалните мрежи и коментаторите во медиумите обвинуваат дека агентот дека дејствувал со прекумерна сила, посочувајќи на видео снимки на кои се гледа како Прети го држи својот телефон, а не пиштол, за да ја сними операцијата за спроведување на законот пред инцидентот да ескалира, и да биде смртно застрелан.
Клинтон ја повика јавноста да го искористи сегашниот момент за да ја врати американската демократија и да не се откаже од основните слободи што им припаѓаат на луѓето.
„Во текот на целиот живот, се соочуваме само со неколку моменти кога одлуките што ги донесуваме и дејствијата што ги преземаме ќе ја обликуваат нашата историја во годините што доаѓаат. Ова е еден од нив. Ако се откажеме од нашите слободи по 250 години, можеби никогаш нема да ги вратиме“, напиша Клинтон.
#BREAKING: New video angle shows struggle before Border Patrol agents open fire. pic.twitter.com/YFC2kCIfAa
— Insider Wire (@InsiderWire) January 24, 2026
„Од сите нас кои веруваме во ветувањето на американската демократија зависи – да се спротивставиме, да проговориме и да покажеме дека нашата нација сè уште припаѓа нам, на народот“, заклучува Клинтон во својата изјава.
Џ. Д.
