Меѓународната изолација, загриженоста за безбедноста, санкциите и општиот хаос во нејзината воздушна единица ја натераа Русија да го откаже својот премиерен аеромитинг, познат како МАКС.
„Закажано секоја втора година, МАКС се одржува во близина на Москва и ги прикажува цивилните и воените воздушни сектори на Русија и стана клучен за обезбедување на клиенти за извоз“, соопшти Министерството за одбрана на Обединетото Кралство.
Како што пренесува Бизнисинсајдер, тоа би било првото воздушно шоу од почетокот на војната, а Интел предложи Русија да го откаже поради две главни причини: „Оштетување на репутацијата доколку присуствуваат помалку меѓународни делегации“ и „безбедносна загриженост“ поради неодамнешните напади со беспилотни летала во Москва.
Властите во Москва стравуваат дека меѓународните извозни компании и инвеститори кои обично присуствуваа на изложбата на авијацијата предходните години, оваа година ќе ја заобиколат манифестацијата.
Дополнително, британските разузнавачи велат дека безбедносните грижи поради неодамнешните напади со беспилотни летала во Москва, исто така, доведоа до откажување, особено по денешниот напад со пет дронови во близина на Москва, кога беа пренасочени летовите од Меѓународниот аеродром Внуково, еден од четирите аеродроми кои ја опслужуваат Москва.
Воздухопловната индустрија на Русија е тешко погодена од сопствената инвазијата врз Украина во февруари 2022 година. Таа е под огромните меѓународни санкции, а генералот Сергеј Суровикин, командантот на руските воздушни сили, сега го нема од очите на јавноста.
Суровикин служеше како врска меѓу руското Министерство за одбрана и Евгениј Пригожин, кој ја предводи Вагнер групата, руска платеничка организација која се побуни минатиот месец, марширајќи неколку часа од Москва пред да се повлече.
Суровикин не е виден од бунтот и најверојатно е уапсен поради неговата поврзаност со Пригожин.
Подготви: Д. Мишев
