ВЕСТ НА ДЕНОТ
Скопје вози во хаос – „Безбеден град“ за 12 часа фати 65.000 прекршоци
Системот „Безбеден град“ од вчера пробно функционира во Скопје и веднаш регистрира неверојатни 65.000 сообраќајни прекршоци – од кои 2.800 минувања на црвено светло и 1.000 нерегистрирани возила.
Според измените на Законот за безбедност на сообраќајот, сите прекршоци документирани со камери, сензори и уреди за снимање се валиден доказ. МВР најавува нулта толеранција – важи и во и надвор од населено место…
РЕГИОН
Повлечен буџетот за 2026 по масовните протести во Бугарија, Радев повика оставка на владата
Бугарскиот Министерски совет денеска го повлече буџетот за 2026 година, по ескалацијата на масовните протести во земјата, поради буџет кој предвидува приватниот сектор да плаќа повеќе даноци и придонеси за социјално осигурување, а државата да добива повеќе пари…
СВЕТ
Десничарската AfD исклучи член поради имитирање на Хитлер на партиски настан во Гисен
Ко-лидерот на крајно десничарската Алтернатива за Германија (AfD), Тино Крупала, изјави дека неговата партија ќе исклучи член обвинет за држење говор на начин сличен на Адолф Хитлер на партиски состанок минатиот викен…
ПРАШАЊЕ НА ДЕНОТ: Што мислите за проектот „Безбеден град“ (Safe City)?
Редакција ЦивилМедиа ги повикува сите заинтересирани граѓанки и граѓани да одговорат на ова, но и на претходните прашања на денот во коментарите на објавата.
ИНТЕРВЈУ
ЕКСКЛУЗИВНО — Пендаровски за ЦИВИЛ (1): Кратко и јасно! Македонија е одамна прокси-држава на рускиот свет
ЦИВИЛ го објавува првиот дел од големото ексклузивно интервју со проф. д-р Стево Пендаровски, поранешен претседател на Република Северна Македонија и еден од најискусните аналитичари за безбедност, разузнавање и геополитика во регионот и пошироко.
Во ова интервју Пендаровски проговори отворено, аргументирано и со невидена прецизност за хибридните операции што ја погодуваат земјата – и ги изговори можеби најострите предупредувања досега.
„Кратко и јасно! Македонија е одамна прокси-држава. Не е само транзиторна држава или држава реципиент на пропаганда и хибридни закани, и тоа се одвива минимум во последните 7-8 години“, вели Пендаровски на самиот почеток на интервјуто за ЦИВИЛ.
СЛОБОДНА ЗОНА
Намерата да се контролираат сите сфери на животот на граѓаните е повеќе од очигледна. Safe Site е само капка во морето. Oва особено ако се има предвид дека истава владејачка партија, која порано тајно ги снимаше телефонските разговори на илјадници луѓе, сега истото ќе го прави по законски пат. И неконтролирано, пишува Драган Мишев во колумната „Скопје Среќна Нова 1984 година, со љубов- Големиот брат.“
Политичката ДНК на една влада излегува на површина и преку технологиите кои решава да ги воведе. Деновиве, Министерството за внатрешни работи со голема помпа го најави воведувањето на системот Безбеден град (Safe City) во Скопје — модел кој во демократските земји одамна е напуштен или радикално трансформиран во концептот Паметен град (Smart City). Во време на сиромаштија и несигурност, со очигледен раст на авторитарните тенденции, владата со ентузијазам воведува – благо речено – проблематична надзорна архитектура, а во јавните настапи користи надуени бројки и нејасна – поточно невидлива – методологија за да го оправда својот потег, пишува Џабир Дерала во анализата „Кога надзорот се продава како безбедност.“
Подготви: Д. Мишев
