Обичните граѓани знаат да живеат заедно, меѓутоа политичарите се виновни за етничките поделби во нашето општество, сметаат граѓан(к)ите на Скопје кои екипата на ЦИВИЛ ги праша – Дали има етнички поделби, кој ги предизвикува и како да се надминат тие поделби?
„Политичарите влегуваат во политиката како голтари, а излегуваат како милионери. И лесно е со овој сиромав и напатен народ да се манипулира кога си енормно обогатен преку ноќ. Секој ден гледаме како се случуваат некои работи и како политичарите се поштедени, а цехот го плаќа обичниот народ“, вели еден граѓанин.
„Со етничките поделби доаѓаат лошите работи, зошто да не живееме сите заедно кога сите сме од крв и месо. Треба да живееме сите сложно, меѓутоа има разни карактери и не може да ги ускладиш да биде баш така како што сакаме ние“, вели една граѓанка.
„Обичните луѓе треба да живеат како што живееја со години, а тие таму што ги прават етничките поделби заради некои други интереси ќе си продолжат така, бидејќи тоа е од век и веков. Но, народот треба да живее во слога. Јас сум живеелеа во турско маало и со сите сме се дружеле и како дете сум научила турски јазик. Денес се дружам со сите, до сите етнички и верски заедници и немам никакви проблеми, сè си тече нормално. Животот кај обичните луѓе не е проблем, обичните луѓе брзо си воспоставуваат комуникација, но некој друг ги тера да создаваат омраза“, потенцира една граѓанка.
„Етничката омраза ќе се надмине ако луѓето сами се надминат, односно да не мислат само на себе туку да мислат и на другите“, вели една граѓанка.
Еден граѓанин смета дека етничките поделби ги прават оние кои без никакво образование влегуваат во парија и не знаат што е политика.
текст и монтажа: Дехран Муратов
камера: Атанас Петровски
фотографија: Џабир Дерала
Оваа содржина е дел од Иницијативата „Обединети во различноста“ посветена на промовирање на различностите како предност, богатство и квалитет на нашето општество. Иницијативата ја води ЦИВИЛ, со поддршка од Министерството за надворешни и европски прашања на Големото Војводство Луксембург.
Наодите, мислењата и другите онлајн содржини објавени од страна на ЦИВИЛ, односно Редакцијата ЦИВИЛ Медиа, не мора да значи дека ги одразуваат оние на донаторите или спонзорите на ЦИВИЛ и на медиумската платформа на организацијата.
