„Национализмот и говорот на омраза се најлошите работи за уништување на луѓето. Поделбата на едни и други и секојдневно ширење говор на омраза доведува до системско уништување на човештвото. Нема потреба од пуштање Атомска бомба кога ние самите се уништуваме. Паролата „раскарај и владеј“ е нај присутна во денешнината“, вели Зоран Карановски, на прашањето на ЦИВИЛ поставено на Фејсбук – Што е посилно од атомска бомба – говорот на омраза, национализмот или корупцијата?
Насер Ајдини: „Најопасни се национализмот и говорот на омраза, тие се причина за употреба на оружје, па и на атомска бомба“.
Марко Цветановски: „Национализмот и говорот на омраза доведуваат до човечки трагедии, низ историјата има безброј примери. Ми се чини дека брзо се забораваат. Зборовите на омраза се почеток на секое зло. Погледнете ги говорите на националсоцијалистите во 30-тите год. во Германија пример. Тие говори на зло и омраза доведоа до 50 милиони мртви и невидени несреќи. Има една изрека која вели: еден будала да фрли камен во бунар сто паметни не можат да го извадат. Лесно е да запалиш тешко се гаси“.
Дарко Димитров: „Говорот на омраза е од простите луѓе, национализмот е доблест на злобните луѓе, а корупцијата е нормална работа“.
Гордана Крстиќ: „Првите три секојдневно го трујат и убиваат човекот, а атомската бомба, не дај боже, еднаш“.
Методи Костадинов: „Сите четири прашања се исти, сите го уништуваат народот, разликата е што атомската бомба ги уништува сите, останатите три го уништуваат народот на рати. И едните и другите се против човештвото, умоболни луѓе има насекаде во светот па дури и во Македонија“.
Ахмет Ламалари: „Нормално дека сите три се опасни, најопасно е лажен патриотизам, лажен национализам и лажни прес-конференции“.
Вера Србиноска: „Сите три не се споредуваат со атомска бомба, ама уништуваат како неа“.
Буба Гурева: „Корупцијата и расипани власти. Уништуваат сè и народ и држава без оглед на раса, вера или национална припадност“.
Лепа Димовска: „Сите три заедно, но сепак сметам дека национализмот е најлошо за едно општество, бидејќи тие што го поддржуват сакаат еднонационално општество и затоа доаѓа до меѓуграѓански војни и народот страда, а политичарите не“.
Младен Злембо Јанев: „Нема поопасно од религиите“.
Прашањето е поставено на Фејсбук профилот на ЦИВИЛ пред 5 дена, (05 јули) и до објавување на текстот има околу педесетина коментари.
ЦМТ
