• Latest

Коцијанчич: ЕУ работи со Белград и Приштина на правно обврзувачки договор

February 16, 2018

Владата и студентите: Операција „Дување во јогурт“

November 22, 2026

ЦИВИЛ: Не молчете пред насилството и неправдата – пријавете, документирајте, барајте одговорност!

November 22, 2026

Бламажа

November 22, 2026

Алта банка: Мицкоски слави спас, граѓаните ги чекаат своите пари – кој ќе ја плати цената на аферата?

November 22, 2026

Протести против насилството врз жените во Охрид и Скопје, обвинение за нападот во Битола – граѓаните бараат заштита и одговорност

November 21, 2026

Граѓански форум за викенд: Ние прашуваме, тие (не) одговараат – која е вашата порака до политичарите?

November 21, 2026

Украина го одбележува Денот на достоинството и слободата – ЦИВИЛ организира настан „Украина: Силна и слободна“

November 21, 2026

Сите сакаат да владеат со светот

November 21, 2026

Ден на Достоинството и Слободата: патот на Украина кон демократијата и европската иднина

November 21, 2026

Случајот „Северен тек“: Хрватска пред тестот на правдата

November 21, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ВЕСТИ

Коцијанчич: ЕУ работи со Белград и Приштина на правно обврзувачки договор

February 16, 2018 09:46
in ВЕСТИ, РЕГИОН
Share on FacebookShare on Twitter

Официјалните претставници на Европската Унија кои посредуваат во дијалогот меѓу Белград и Приштина работат со претседателите на Србија и Косово, Александар Вучиќ и Хашим Тачи за постигнување сеопфатна нормализација на односите, изјави портпаролката на висока претставничка на ЕУ за надворешна политика и безбедност Федерика Могерини, Маја Коцијанчич за приштинскиот весник „Газета експрес“.

„Двајцата претседатели покажаа конструктивна ангажираност. Стратегијата за Западен Балкан предвидува правно обврзувачки договор“, додава Коцијанчич, најавувајќи дека ЕУ наскоро ќе ги повика двете страни во Брисел на нова рунда преговори.

Коцијанчич во изјавата одбила да ја коментира идејата за евентална размена на територии меѓу Србија и Косово, иако како што рекла, ЕУ е „свесна за постење на таква иницијатива“.

Приштинските медиуми изминатаве денови објавија дека косовските официјални претставници ја разгледувале идејата за размена на територии меѓу Белград и Приштина, како и дека Тачи за тоа разговарал со странски дипломати.

Американската Амбасада во Приштина на прашање на „Газета експрес“ одговори дека САД не ги поддржуваат „тајните преговори“, кои наводно се во тек меѓу високи косовски и српски официјални претставници за размена на територии меѓу Косово и Србија.

САД Амбасада Косово

Амбасадата наведе дека САД се против ваквата идеја, бидејќи размената на територии би предизвикала повеќе проблеми отколку решенија.

„Ние не ја поддржуваме размената на територии или преседани што ќе предизвикаат повеќе проблеми, отколку решенија, но сите страни треба да бидат креативни за да најдат решение“, стои во одговорот.

Во дописот се додава дека САД продолжуваат силно да го поддржуваат дијалогот меѓу Косово и Србија со посредство на ЕУ и ги охрабруваат двете страни да ги забрзаат своите напори за целосно нормализирање на меѓусебните односи.

„Ние сме подготвени да слушнеме, да помогнеме и да бидеме креативни во поддршката на напорите за постигнување сеопфатен договор, што е единствениот начин да се отвори патот кон западната иднина на Косово и Србија“, се посочува во одговорот од американската Амбасада во Приштина.

На идејата за размена на територии меѓу Косово и Србија отворено се спротивстави и Германија.

Германската Амбасада во Приштина соопшти дека Берлин е против поделба на Косово и дека безрезервно го поддржува косовскиот територијален интегритет. – Игрите на таа тема се опасни, оцени Амбасадата.

Хашим Тачи

„Газета експрес“ тврди дека идејата за поделба на Косово или размена на територии со Србија е поддржана од Белград, албанскиот премиер Еди Рама и грчкиот министер за надворешни работи Никос Котѕијас.

Тачи, кој според весникот, наводно се согласил со идејата за поделба на Косово, деновиве изјави дека „идејата е далеку од неговиот ум и институциите на Косово“ и оти ваквите идеи не носат ниту мир, ниту стаблност.

Според него, идеите за поделба постоеле и порано, но тие се штетни и дестабилизирачки за Косово.

„Ова е нешто мртво. Имаше идеи за поделба и порано, но јас бев јасен, почитувањето на територијалниот интегритет е повеќе од значаен. Прашувате за вмешаност на Албанија. Тоа не е потребно. Косово е суверена земја и сама одлучува. Греши оној кој мисли дека ние дискутираме за Косово преку Албанија“, посочи Тачи.

Шефот на српската дипломатија Ивица Дачиќ во интервју за белградскиот весник „Курир“ изјави дека „наводниот договор“ меѓу Белград, Приштина и Тирана за размена на територии и поделба на Косово, е само шпекулација.

„Тоа е само шпекулација. Се знае дека јас ја предлагав како можност поделбата на Косово“, изјави Дачиќ.

„Газета експерс“ потсетува дека големите сили, познати како Контакт група (САД, Велика Британија, Германија, Франција, Италија и Русија) во 2005 година при одредувањето на шестте начела за решавање на финалниот статус на Косово, силно се спротивставија на идејата за негова поделба.


извор: МИА

Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.

Tags: Александар ВучиќБелградЕди РамаЕУИвица ДачиќКосовоКоцијачиќПриштинаСАДСрбијаХашим Тачи
Share2TweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ