Протестите против рациите за имиграција во Лос Анџелес продолжуваат трет ден по ред, а полицијата вели дека центарот на Лос Анџелес сега е „незаконско собирање“, пренесува Би-би-си.
Има извештаи за запалени возила и за грабежи, додека еден британски фотограф има потреба од операција откако бил застрелан со гумен куршум.
Доналд Трамп вели дека „работите изгледаат навистина лошо во Лос Анџелес“ и додава: „Доведете ги војниците!“
Претседателот веќе ја повика Националната гарда – спротивно на желбите на гувернерот на Калифорнија, Гевин Њусом.
Гувернерот на Калифорнија, Гевин Њусом, вели дека ќе го тужи Доналд Трамп за распоредување на трупи на Националната гарда во Лос Анџелес без да се консултира со него. „Постои протокол, има процес, не му беше гајле за тоа“, рече Њусом
Дописникот во Лос Анџелес, Питер Боус, вели дека работите изгледат посмирени во недела навечер, по насилниот ден, додека репортерката Кристал Хејс снимила автомобил како вози кон демонстрантите, а луѓето трчаат за да се заштитат.
Д. Мишев
