Рускиот агресор продолжува со воздушните напади врз цивилите и енергетската инфраструктура во Украина. Во текот на изминатата ноќ и во текот на утрото, може да се слушне воздушна тревога во главниот град Кијив, како и во Одеса, Чернихив и други делови од земјата.
Според локалните власти во Одеса, руските ударни дронови во текот на ноќта погодиле и станбен објект при што едно лице е повредено. Дроновите погодиле и оштетиле и делови од енергетската инфраструктура во градот.
Воените власти во Чернихив објавија дека ударните дронови врз таа област се од типот Шахед-136, во руската категоризација познат и како Геран-2. Во текот на ноќта, дроновите погодиле повеќе станбени објекти областа, како и еден дом на културата и еден индустриски објект. Голем број семејства останале без електрична енергија.
„1426 дена рф продолжува со воената агресија против Украина. Војна на исцрпување. Во моментов во Кијив е −13 °C, активна е воздушна тревога. Кремљ брза да ги искористи ниските температури за нанесување удари“, напиша украинската амбасадорка Лариса Дир денеска на социјалните мрежи.
1426 дена рф продолжува со воената агресија против Украина. Војна на исцрпување. Во моментов во Кијив е −13 °C, активна е воздушна тревога.
Кремљ брза да ги искористи ниските температури за нанесување удари.— Larysa Dir (@dir_larysa) January 19, 2026
Украинскиот претседател Володимир Зеленски во објава на Телеграм изјави дека санацијата на енергетскиот систем на земјата останува голем предизвик.
„Правиме сè што можеме за да вратиме сè што е можно побрзо“, рече Зеленски.
Тој соопшти дека во ноќните напади се погодени Суми, Харкив, Днипро, Запорижја, Хмелницки и Одеса.
View this post on Instagram
Русија употреби повеќе од 1.300 дронови за напад, 1.050 водени воздушни бомби и 29 ракети од различни видови за да ја нападне Украина оваа недела.
„Доколку Русија намерно го одложува дипломатскиот процес, одговорот на светот треба да биде одлучувачки: поголема помош за Украина и поголем притисок врз агресорот“, изјави Зеленски.
Тој зборуваше ден по пристигнувањето на украинската делегација во САД на разговори за дипломатски притисок предводен од САД за завршување на војната.
Русија не покажува знаци на интерес за разговори што ќе доведат до мировен договор и наместо тоа се фокусира на зголемување на производството на оружје, вклучително и цел од 1.000 дронови дневно, изјави генерал Олександр Сирски за онлајн порталот lb.ua.
Подготви: Џ. Дерала
