САД одобрија продажба на воени авиони и делови за Тајван во вредност од 330 милиони долари, соопшти Пентагон.
– Предложената продажба ќе ја подобри способноста на примателот да се справи со сегашните и идните закани со одржување на оперативната подготвеност на флотата на авиони F-16, C-130 и други авиони, се наведува во соопштението на Пентагон.
Тоа е прва таква трансакција откако американскиот претседател Доналд Трамп ја презеде функцијата во јануари.
Министерството за одбрана на Тајван соопшти дека очекува продажбата да стапи во сила во рок од еден месец.
Канцеларијата на претседателот на Тајван ѝ се заблагодари на американската влада за продолжување на политиката на регулирана продажба на оружје на Тајван и за поддршката на Тајпеј во зајакнувањето на неговите капацитети за самоодбрана и отпорност.
Продлабочувањето на безбедносното партнерство помеѓу Тајван и САД е важен камен темелник на мирот и стабилноста во Индо-пацифичкиот регион, изјави портпаролката на претседателскиот кабинет Карен Куо.
