Според граѓаните меѓуетничките односи служат како алатка за дефокусирање на јавноста и манипулација со граѓаните

ЦивилМедиа во петокот го постави на својата Фејзбук страница прашањето: Дали и зошто политичарите ги злоупотребуваат верските чувства за создавање тензии?, давајќи им можност на граѓанките и граѓаните да се изјаснат на оваа тема.

Минатата недела во село Галате, општина Врапчиште, полицијата ги спречи граѓаните да ја исчистат и реновираат црквата Св. Петка, а потоа приведе дел од граѓаните кои упаднаа во општина Врапчиште, за на крај да ги ослободи.

Во пораките и коментарите кои ги упатија нашите читатели ваквиот развој на настаните секогаш алудира на дефокусирање на јавноста или пак за манипулација со грѓаните и повод за меѓупартиски препукувања,

„Секогаш кога треба да се протне нешто на мала врата се прават меѓуетнички тензии за да се дефокусира јавноста!!! Верата и верските заедници се алатка за манипулација на  „политичарите“!, вели еден читател.

Но, еден од одговорите може да се заклучи дека читателот на некој начин ги обвинува и соседите и нивните наводни „пријателства“ зсо нашата држава.

„Лисабонската декларација сеуште живее во програмите на некои наводно пријателски земји. Тие си имаат свои извршители во „националните“ партии во Македонија. Тие работат за исти газда, а играат игра на конфликт и имаат иста цел. Дали се работи за бугарски навивачи и клубови или „навредени“ претседателки, за мафтање со национални знамиња, чистење, обнова или градба на нови храмови, со проповеди на 150 децибели наутро и камбаани на пладне. Граѓани на Македонија, свестете се, додека тие наводно ве бранат, децата ни побегнаа во странство. Сигурно не од убавина“, вели еден граѓанин.

Друг, пак, целата ситуација ја оценува како „трлски адреналин“.

Б. Ј.