ТЕМА НА ДЕНОТ
Нападнат поддржувачот на Села од АА, Дритон Небиу: Може да ме убиете, но не можете да ме исплашите
Директорот на Агенцијата за управување со одземен имот, Дритон Небиу, од Алијанса за Албанците, синоќа бил физички нападнат додека со семејството вечерал во еден познат тетовски ресторан…
Куршум оставен пред вратата од домот на Таравари
Неиспукан куршум бил оставен пред вратата на домот во кој живее градоначалникот на општина Гостивар и претседател на политичката партија Алијанса за Албанците..
АА: Го осудуваме синоќешниот физички напад врз Дритон Небиу и членови на партијата
-Најостро го осудуваме синоќешниот физички напад на Кренар Османи, врз членовите на Алијансата за Албанците и директорот, Дритон Небиу, што се случи веднаш по прес-конференцијата на претседателот на Собранието на АА, се вели во соопштението од партијата…
Ковачевски за пронајдениот куршум во дворот на Таравари: МВР ригорозно да интервенира
Претседателот на СДСМ Димитар Ковачевски изјави дека загрижува информацијата за пронајден куршум во дворот на лидерот на Алијанса за Албанците, Арбен Таравари и посочи дека доколку е точна, МВР треба да интервенира и во овој случај, исто како што интервенираше во врска со вчерашниот напад на директор на владина институција.
ИЗЈАВА НА ДЕНОТ
-Со ДУИ имаме нормална комуникација. Со Ахмети имавме состанок пред извесно време на кој разговаравме за настапот на изборите. Ние секако сме во коалиција. Секако, донесовме заедно многу важни одлуки за државата. Ги покренавме процесите на евроантлантски интеграции кои се врвен приоритет на граѓаните, бидејќи тие обезбедуваат подобра иднина, подобар животен стандард, подобра економија, владеење на демократија, подобро владеење на правото и сметам дека тие разговори ќе продолжат бидејќи не се финализирани во однос на тоа кој како ќе настапи на изборите, додаде Ковачевски. Настапот на партиите на изборите дали ќе биде на заеднички листи или не, најмногу зависи од анализите кои се прават од емпириските истражувања и одлуки на органите на сите партии.
ФЛЕШ ВЕСТИ
СТИПЕНДИИ МОН информира дека сите ученички и студентски стипендии на постојните корисници за учебната, односно академска 2023-2024 година се исплатени заклучно со месец јануари. За новите корисници, пак, исплатата ќе се реализира во текот на неделата…
ФЗО ШТРАЈК Вработените во ФЗО стапија во штрајк. Сите подрачни единици, како што беше најавено, денеска нема да извршуваат работни задачи, освен оние најитните. Рецепти и упати се издаваат, но нема исплати за надомест за породилно и за исплата на боледување…
ЕНЕРГЕТИКА Со влезот на стратешките енергетски инвестиции ќе се зголеми енергетската независност на земјава и сметките за парно ќе се преполоват…
РЕСТРИКТИВНИ МЕРКИ Законот за рестриктивни мерки утре ќе се најде на владина седница, изјави денеска министерот за надворешни работи…
ПРОТЕСТИ ГЕРМАНИЈА Околу половина милион луѓе демонстрираа против десничарскиот екстремизам низ цела Германија во текот на изминатиот викенд, покажуваат прелиминарните податоци на тамошното Министерство за внатрешни работи.
ВОЈНА ВО УКРАИНА
Тешки битки за Купјанск, Русија секојдневно го користи целиот свој арсенал на оружје во правецот Купјанск, но украинските бранители имаат што да му спротивстават на непријателот…
КОНФЛИКТИ
- САД не ја исклучуваат можноста да го нападнат Иран, што укажува дека претстојат нови напади врз исламистичките милитанти во регионот, изјави синоќа советникот за национална безбедност на Белата куќа, Џејк Саливан…
АЛ-ПРЕС
Редакциски избор од албанските медиуми во регионот
– Албанските пратеници кои беа исклучени од Собранието, денеска се враќаат на работа, со најава за протести за да им се исполнат барањата за формирање истражни комисии и промена на составот на специјалната комисија за изборни реформи.
– За прв пат во Косово и регионот се очекува да биде отворен референтниот центар за третман на случаи на сексуално насилство, во рамки на Институтот за судска медицина во Приштина.
ИНТЕРВЈУ
(ВИДЕО) Крстиновска за Цивил Медиа: Нашата демократија не е совршена, но треба да ја унапредуваме, а не да размислуваме за алтернативен систем што ни го нудат Кина или Русија
Паралелно, Кина работи на цензурање и елиминирање на сите видови критика што се поврзани со кинеската држава, кинеската комунистичка партија, вели Ана Крстиновска од Естима, синолог и врвен познавач на приликите во кинеското општество и начините на кои делува кинеската пропаганда во интервју за ЦИВИЛ МЕДИА во рамки на проектот „Ослободи го умот“ посветено на справувањето со дезинформациите, пропагандата и хибридните закани во нашата земја и во светот.
ДЕЗИНФО
Дујовски: Младите се најподложни на дезинформации, врз кои подоцна ги градат своите ставови и карактерни особини
„Треба да перцепираме кои се најзагрозени. Според мене, најзагрозени се најмладите, бидејќи тие се најчесто на социјалните медиуми, и податоците велат дека возрасната категорија помеѓу 15 и 25 години, се најподложни на дезинформации на кои тие подоцна ги градат своите карактерни особини и ставови, посочи проф. Никола Дујовски на панелот на ЦИВИЛ „Ослободи го умот: Дезинформации и пропаганда“.
Секуловски: Политичарите да ги поштедат граѓаните од агресивните реторики за време на изборните кампањи
Оваа година имаме најмалку две етапи на избори, јас се надевам дека граѓаните ќе бидат поштедени од агресивни реторики, од настапи на кандидатите кои што можеби ќе подгреваат непотребна тензија. Сметам дека Македонија тоа треба да го остави во минатото, веќе верувам дека сме еволуирале во малку посериозно општество“, вели Драган Секуловски, извршен директор на ЗНМ, на панелот на ЦИВИЛ “Ослободи го умот: Дезинформации и пропаганда“.
МУЛТИКУЛТУРА
Чупеска за ЦИВИЛ МЕДИА: Стратегијата за интеркултурализам придонесува за интеграција на сите културни групи во земјава
Проф. д-р Ана Чупеска во интервјуто за ЦИВИЛ МЕДИА зборува за Стратегијата за интеркултурализам и општествена кохезија изразувајќи задоволство за начинот на подготовка, во чиј процес, учествуваше како дел од експертската заедница.
СЛОБОДНА ЗОНА
ПО ДОПРЕН ГЛАС
Во една реченица само флеш потсетување за клучните тридецениски лажливи инаети на ВМРО-ДПМНЕ кои, времето веќе потврди, се потсетување на македонските, нека се и изнудени и од немајкаде, победи наспроти партиските вмровски порази па еве по ред за реперите кои ги спореше, партијата, нели патриотска, а всушност…, по допрен глас пишува Зоран Иванов во „… а кој, всушност, е вистинскиот патриотски лажго и блефер“
Подготви: Д. Мишев
