ВЕСТ НА ДЕНОТ
Авионот со македонските државјани полета од аеродромот во Тел Авив
Со мало задоцнување полетаа патниците од аеродромот Бен Гурион во Тел Авив кои се пријавија на повикот за евакуација и репатријација во Северна Македонија, велат од МНР. Се очекува тие да пристигнат на Меѓународниот аеродром во Скопје околу 15.15 часот.
ИЗЈАВА НА ДЕНОТ
Повлекувањето на руските трупи и потврда за крај на војната ќе создадат поволни услови за општ развој, вклучително и на Балканот. Гледаме изгледи за развој на билатерални односи и верувам дека тоа ќе биде возможно. Сеопфатен, правичен и долготраен мир во Украина ќе отвори нова страница на развој во Европа. Знали, мојата порака до светот е едноставна: Поддржете ја Украина, останете на вистинската страна на историјата.
ВОЈНА ВО УКРАИНА
Регионите Херсон и Донецк под жесток руски артилериски и ракетен напад, загинати и ранети цивили
Во Покровск, во областа Донецк, бројот на повредени во утринското гранатирање во петокот на 13 октомври се зголеми на 13, а едно лице загина, објави на Фејсбук Канцеларијата на јавниот обвинител…
БЛИСКИОТ ИСТОК
Колку терористите на Хамас се грижат за Палестинците покажува видеото објавено од бригадите Ал-Касам (военото крило на Хамас) кое покажува како ги откопуваат водоводните цевки, кои пред неколку години беа поставени со помош на ЕУ, наменети за Палестинците од Газа да имаат пристап до чиста вода, и ги користи за изработка на ракети кои неселективно се истрелуваат кон Израел.
Хамас ги повика земјите кои имаат граници со Израел да го поддржат народот на Газа
Хамас ги повика луѓето насекаде – особено во земјите кои имаат граници со Израел – да го поддржат народот на Газа, истовремено повикувајќи ги палестинските жители да останат на место и да се спротивстават на израелската воена наредба за евакуација на северниот дел на Појасот Газа.
ФЛЕШ ВЕСТИ
ЕВРОИНТЕГРАЦИИ Следниот чекор во процесот на евроинтеграцијата на земјата зависи од усвојувањето на уставните измени, меѓутоа тоа е прашање кое е во рацете на самата земја, на Собранието. Се надеваме дека ќе можат да се направат што е можно поскоро за земјата да го искористи создадениот моментум и конечно решително да се придвижи на нејзиниот евроинтегративен пат, изјави шефот на Делегацијата на ЕУ амбасадорот Дејвид Гир за време на денешната посета на Општина Шуто Оризари
ПАРНО ГРЕЕЊЕ Граѓаните да бидат спокојни, радијаторите ќе бидат топли, парно ќе има. Компаниите формирани од страна на акционерското друштвото АД ЕСМ, како и подружницата Енергетика се подготвени за сигурно, безбедно и континуирано производство, дистрибуција и снабдување со топлинска енергија во претстојната грејна сезона за потрошувачите на подрачјето на дел од градот Скопје
КОМПЈУТЕРСКИ КРИМИНАЛ Секторот за компјутерски криминал и дигитална форензика при Бирото за јавна безбедност на Министерството за внатрешни работи периодов констатираше зачестена појава на така наречени „фишинг“ напади врз граѓаните, со цел неовластено прибавување на лични податоци од нив.
УСТАВНИ ИЗМЕНИ Претседателот Стево Пендаровски е докажан евроатлантист и беше дел за почнување на преговорите на Република Северна Македонија со ЕУ, истакна денеска премиерот Димитар Ковачевски на новинарско прашање за ставот на шефот на државата изнесено синоќа во интервју дека за уставните измени убавина со сила не бива. Ковачевски е на сличен став, а како што вели, се знаеше уште на самиот почеток дека процесот за обезбедување на двотретинско мнозинство во Собранието.
ИЗБОРИ Нашиот став по однос изборите е јасен, тој е договорен и апсолвиран. Изборите ќе бидат редовни, а по однос на тајмингот може да се разговара, согласно роковите во Собранието. Претставниците на поличките партии нека седнат и на работно ниво нека разговараат за деталите. Тоа го изјави претседателот на Владата, Димитар Ковачевски, денеска одговарајќи на прашања на новинарите.
АЛ-ПРЕС
Косовската претседателка Вјоса Османи на средбата со двајцата американски сенатори, Џин Шахин и Питер Велч, побара Србија да даде одговорност, а терористите да се предадат на Косово. Американската аналитичарка Ивана Страднер изрази загриженост за пишувањата на руските медиуми дека Србите во Доњецк формираат разузнавачко-диверзантска група, пишуваат косовските медиуми.
Ова се само дел од темите од редакцискиот избор на ЦИВИЛ Медиа , од албанските медиуми во регионот за денешното издание на АЛ-ПРЕС.
ДЕЗИНФОРМАЦИИ
ГОВОР НА ОМРАЗА
Стари вести од 2018 година се шират како нови за да се поттикне етничка и верска нетрпеливост
Дел од партиските ботови шират стари вести кои ги претставуваат како актуелни, со цел да предизвикаат етничка и верска нетрпеливот. Корисникот МИТЕ НАЈДОФ на социјалната мрежа Х сподели два скриншота од кои во едната стои наслов: (ВИДЕО) Оџа во радовишко училиште пееше „Алаху Акбар“, другата вест е со наслов: (ФОТО) Во училиште во Струга се вее големо албанско знаме“, при што додаде коментар „Наместо химна и македонско знаме во училишта, да тераме со алтернатива, а?, пишува Дехран Муратов
ЦИВИЛНИ АКТИВНОСТИ
ЗЕЛЕНИ
Дерала: Зелената агенда е и фактор на стабилност, и фактор на безбедност на една држава, а во случајов, и на целата Европска унија
На панелот на Зелен ЦИВИЛ (организациска единица на ЦИВИЛ) на тема „Македонската зелена агенда: Реалност или тешко остварлива цел?“претседателот на Цивил, Џабир Дерала во одговор на прашањето дали македонската зелена агенда е реалност потврди дека е реална зелената агенда, дури и да не е реална, мора да се оствари таа зелена агенда за земјава, за да можеме понатаму да опстанеме како население.
Кулебанова: Ние како држава сме зелена држава, треба да работиме на одржување на она што веќе го имаме
Како зелена економија, тоа е еден многу чест израз којшто веќе е сеопфатен во сите излагања на политичките партии, општеството, граѓаните, меѓутоа, за да разбереме каде сме ние како општество, треба да се потсетиме од каде се ова потекнува, посочува Габриела Кулебанова на панел дискусијата на Зелен ЦИВИЛ (организациска единица на ЦИВИЛ) на тема „Македонската зелена агенда: Реалност или тешко остварлива цел?“. Таа ги објасни почетоците на зелената економија, како и следните чекори на развивањето на државите во тој правец.
КОНТРОЛА НА ОРУЖЈЕТО
Крајно време е за решителна акција: Денес загина тренерот на Арачиново, утре може ти да бидеш жртва на залутан куршум!
„Веселите пиштолџии“ не сакајќи стануваат убијци на свои блиски, на брат, братучед, зет, сосед… по што настапува каење за испуканиот куршум, но згаснатиот живот не може да се врати, а законската санкција не може да ја излечи болката.
Меѓутоа, можеме сите заедно да извлечеме поука од оваа трагедија. Испуканиот куршум мора некаде да заврши.
Затоа, како што ЦИВИЛ постојано ги потсетува луѓето – пред да го повлечеме чкрапалото, треба да размислиме дека можеби токму тој куршум ќе заврши во некое дете, човек, пријател, роднина, комшија…пишува Дехран Муратов.
СЛОБОДНА ЗОНА
БЕЗ ФИЛТЕР
Секој поединец и народ, без оглед на тоа колку изгледаат мали и немоќни, можат да играат важна улога на светската сцена. Злосторниците често се потпираат токму на чувството на малите дека не можат ништо да променат. Затоа, вложуваат огромни средства да ги манипулираат и да ги водат во насока која ним им одговара. Тоа е можно, затоа што ја злоупотребуваат демократијата и отвореноста на општествата, за да ги остварат своите мрачни цели. Тоа не смее да се дозволи, пишува Џабир Дерала во колумната „За што се бори Хамас?„
БРЗА ПОШТА
Да бе „друже“, ВМРО ги поминала… ама само ги поминала, без притоа да се сети дека треба да направи држава, ни во турско, а богами ни во бугарско (додуша може вие ја сфаќате како ваша бугарската држава која ја окупираше Македонија, со оглед на тоа како ги дочекавте „освободителите“, а богами и голем број предци на ваши високи партиски функционери станаа и б’лгарски кметови).
Среќа па ги поминавте и комунистите, или поточно тие вас, па НЕ успеавте да „попречите“ да ја создадат македонската држава…пишува Драган Мишев во текстот „Мицкоски изгубен во (историскиот) превод“
Подготви: Д. Мишев
