ТЕМА НА ДЕНОТ
Се преквалификува случајот „Трезор“, Мијалков добива поблаго обвинение
Судењето за случајот „Трезор“ одложено за 24 ноември. На денешната расправа, како што информираат од Кривичен, јавниот обвинител изврши прецизирање на обвинителниот акт и преквалификација на кривичното дело согласно измените на КЗ за еден од обвинетите, додека одбраната барала тоа да се примени и за останатите.
ИЗЈАВА ДЕНОТ
Меџити побара Обвинителството да излезе со име и презиме за случајот Онкологија
-Повикувам уште еднаш, апелирам за случајот со Клиниката за онкологија, крајно време е Обвинителството да излезе со точно име и презиме зошто овој костум, оваа кравата ме гушат. Да ви кажам дека ми прилега белиот мантил и од првиот ден ви кажав дека не претпочитам да бидам политичар од некоја партија, туку ќе бидам лекар и тоа и ќе останам и заедно со моите колеги и заедно со вас ќе ги подобриме работите, порача Меџити.
ВОЈНА ВО УКРАИНА
Украина остварува придобивки во окупираниот Крим, погоди два десантни бродови на руската морнарица
Во текот на ноќта во петокот, во украинските напади беа погодени два руски брзи десантни брода во привремено окупираниот Крим, потврдија од Главната разузнавачка управа на Министерството за одбрана, пренесува…
Како што е соопштено, на 9 ноември руската армија 97 пати ја гранатирала областа Херсон. Две лица загинаа, а пет други се повредени…
КОНФЛИКТИ
Четири новински организации категорично негираат дека имале претходно сознание за терористичкиот напад на Хамас на 7 октомври, по барањето од Израелската влада за одговори и кредибилност во врска со извештајот…
Војната меѓу Израел и Газа ја уназадува палестинската економија за децении, предупредуваат од ОН
Програмата за развој на Обединетите нации (УНДП) и Економската и социјалната комисија за Западна Азија (ESCWA) на 9 ноември 2023 година, објавија заедничка брза проценка со наслов „Војната во Газа: очекувани социо-економски влијанија врз државата Палестина“…
АЛ -ПРЕС
Српската фабрика за оружја „Застава“ потврди дека фрлачи на гранати М93, запленети по нападот во Бањска, се дел од нивната архива. Среде вревата и критиките за тоа што косовскиот премиер изразил подготвеност да го потпише на 26 октомври, во четвртокот граѓаните на Косово добија уверување дека оваa Заедница нема да има извршни овластувања и нема да создаде дополнително ниво на моќ, пишуваат косовските медиуми
Во продолжение се темите од денешниот редакциски избор на ЦИВИЛ Медиа, од албанските медиуми во регионот.
ФЛЕШ ВЕСТИ
ИЗБОРНИ РЕФОРМИ Извештајот на Европската комисија оценува дека правната рамка е погодна за организирање демократски избори во Северна Македонија, но без доволно напредок во имплементирање на препораките на ОБСЕ/ОДИХР и Венецијанската комисија…
ПРАВДАЈавното обвинителство води предистражна постапка и не постапува по барања на други лица. Информации се споделуваат единствено во обем кој нема да ѝ наштети на постапката, реагира Јавното обвинителство …
ЗАТВОРЕНИ УЧИЛИШТА ВО КАРПОШ Државниот санитарен и здравствен инспекторат (ДСЗИ) по вонредниот инспекциски надзор поради појава на салмонела ги затвори училишните кујни на училиштата „Војдан Чернодрински“, „Јан Амос Коменски“, „Братство“ и „Христијан Тодоровски – Карпош“…
ПРИСТАПНИ ПРЕГОВОРИ Одлуката на ЕК да препорача отворање на пристапните преговори за членство во ЕУ со Украина и Молдавија се темели на објективна оценка за исполнување на поставените услови и претставува историска одлука.
ИЗВЕШТАЈ ЕК Генерално, нема напредок во зајакнувањето на независноста на судството и подобрување на правната рамка за заштита на основните права, оценува Европската комисија во Извештајот за 2023 година.
ПРОЦЕС НА ПРОШИРУВАЊЕ Во текот на натамошниот процес на проширување, Европската унија мора да биде подготвена за тоа дека правилата што важат за нејзините 27 членки нема да функционираат за 30, па дури и за 35 земји…
ПРОПАГАНДА
Левица се навреди бидејќи Северна Македонија не ја поддржа манипулативната резолуција на Москва во ОН
Левица се навреди откако руската амбасада во земјава реагирала дека Северна Македонија гласаше исто како земјите-членки на Европската унија, односно против резолуција што секоја година ја предлага Русија како наводно голем „борец против фашизмот и нацизмот“.
Дел од македонските медиуми некритички го споделија манипулативното соопштение на Левица, во кое „изоставија“ да објаснат за каква резолуција всушност се работи.
Сe чини дека овој дел на лојални македонски медиуми веќе се ставија на располагање на путиновата пропагандна машинерија во кампањата за наредните претседателски избори во Русија. Тие ги следат насоките на политичките стратези на Путин кои работат на неговата предизборна порака повеќе од две години, според кои кампањата на Владимир Путин за неговиот петти мандат нема да посвети преголемо внимание на самата војна во Украина, освен доколку има „многу сериозен руски успех“ на фронтот наместо продолжување на „позиционата војна“. Наместо тоа, ќе се интензивираат извештаите во руските пропагандни медиуми и нивните приврзоци со кои ќе се обидат да го промовираат главниот наратив на руската пропаганда за „тешкотиите“ со кои се соочуваат западните земји, пред се САД, кои веќе „губат трпение“ и нема да бидат во можност да ја поддржуваат Украина, пишува Драган Мишев во анализата „Македонските медиуми во служба на претседателската кампања на Путин“.
СЛОБОДНА ЗОНА
Во оваа ситуација, и Владата и аналитичарите, едноставно, наликуваат на ослепениот Полифем, чие едно око го погодиле со колец морнарите на Одисеј. Полифем – обидувајќи се да ги контролира овците кои мора да ги пушта на пасење преку излезот на пештерата, каде се затворени и неговите заложници – не успева да согледа дека под нивната волна му се промолкнуваат факти што говорат дека стравот пред „националните сили“ и парите кои најчесто не се толку видливи, како оние од буџетот, фактички ги држат радиодифузерите во зоната на опстанокот еве три децении. Значи, целата расправа што се води сега е ептен дефокусирана од вистинските релации меѓу медиумите и нивните содржини и е од доменот на папагалски цитати на теории кои немаат врска со домашните ситуации и вредности. Нашиот Полифем е слеп многу одама, пишува Љубомир Костовски во „МАКЕДОНСКИТЕ ТЕЛЕВИЗИИ И ОСЛЕПЕНИОТ ПОЛИФЕМ: Фактите за медиумите и шверцувањето на финансиерите на вмровската политика“
Подготви: Д. Мишев
