Покрај безбројните вести за билансот на жртви во земјотресот во Туркије и Сирија, во албанските медиуми денеска преовладува веста за наводниот скандал со објавениот список на активисти задолжени за кликање „лајкови“ и споделување содржини со позитивна акредитација за премиерот и одредени министри, а на кој список се наоѓаат голем број судии, обвинители и полицајци. Ова е дел од изборот на редакцијата на ЦИВИЛ Медиа од албанските медиуми во регионот.
БАЛКАН ВЕБ: Објавен списокот на „Актив1сти“ на Рама со обвинители, судии и полицијајци
„Денеска е објавена листа од над 260 страници на која наводно се наоѓаат имињата на луѓето кои ја преземале апликацијата „Akiv1sti” која наводно мнозинството ја користи за зголемување на активноста на социјалните мрежи.
Списокот брзо се споделува на социјалните мрежи. Обвинители, судии и полицајците се дел од него.“, пренесе албанскиот медиум Балкан Веб.
АБЦ: Албанија испраќа уште еден тим за пребарување и спасување во Турција
„Друга албанска група за пребарување и спасување замина во Турција за да пружи помош во областите погодени од смртоносниот земјотрес. Веста ја соопшти премиерот Еди Рама, кој сподели фотографии на својата официјална страница на Фејсбук.“, пренесе албанскиот дневник АБЦ.
БОТА СОТ: Косовската влада ги одобри трите договори од Берлинскиот процес
„Извршната власт го одобри разгледувањето на предлог-законот за ратификација на договорот за слободно движење со лични карти на Западен Балкан.
Премиерот Албин Курти рече дека по одобрувањето во Владата овие три договори ќе бидат испратени до Собранието.“, пренесе косовскиот дневник Бота Сот.
ИНА: Денеска во Косово е ден на жалост
„Претседателката на Република Косово, Вјоса Османи, одлучи денеска во Косово да биде ден на жалост, во знак на почит кон жртвите кои ги загубија животите во земјотресот што ги погоди Туркије и Сирија.
Османи порача дека пред вакви трагедии треба да се застане на страна на оние на кои им е потребна поддршка.“, пренесе косовскиот медиум ИНА.
ФЛАКА: Пропаст на руската слава во Украина
„Еден западен воен аналитичар пишува дека секогаш кога Русија била нападната од странски војски, таа ја добивала војната. Но, овој пат Русија врши агресија кон соседна земја, и како таква ќе ја изгуби војната.“, извадок од колумната „Пропаст на руската слава во Украина“, од Мерџан Јакупи, објавена во македонскиот медиум на албански јазик Флака.
Д. Тахири
