Колегиумот на ЦИВИЛ нарави пресек од 140 и повеќе медиумски блок прилози во рамките на рубриката ПРАШАЊЕ НА ДЕНОТ.
Почнувајќи од 2 септември минатата година, секој работен ден, Редакцијата поставува прашање на кое одговараат десетици, а некогаш и стотици граѓанки и граѓани.
Колку е значаен овој секојдневен прилог говори и фактот дека од одговорите на прашањето поставено на 25 март, произлегоа критики до пратениците кои решија да одат на „распуст“ токму во деновите кога целата земја беше завиена во црно по трагедијата во Кочани. Повеќе граѓанки и граѓани ја искористија можноста да ги прашаат пратениците дали ќе се вклучат во хуманитарната акција за собирање донации за семејствата на настраданите во пожарот кој однесе досега 61 живот.
Прашањата што ги поставува ЦИВИЛ се поврзани со актуелните предизвици со кои се соочува општеството – од социјални проблеми и општествени појави до политика, како домашна, така и регионална и глобална. Сите прашања се објавуваат и на интернет порталот ЦИВИЛ МЕДИА во рубриката ФОРУМ.
Еден ден подоцна, сите коментари и пораки се сублимираат во еден текст со заеднички наслов РЕАКЦИИ во истата рубрика (ЛИНК), каде што се наоѓаат и прилозите со изјави, интервјуа и низа други содржини – во секој случај, една од најдинамичните рубрики на медиумската платформа на ЦИВИЛ.
Од минатиот петок, ЦИВИЛ воведе редовно петочно прашање насловено како ГРАЃАНСКИ ФОРУМ (ПРАШАЊЕ НА ДЕНОТ): Што имате да им порачате на властите?
Со ова редовно прашање, ЦИВИЛ продолжува да обезбедува слободен простор за изразување на сите граѓанки и граѓани. Секој понеделник, пораките и прашањата се сублимираат во еден текст кој ѝ е достапен на јавноста и на властите.
Во текот на подкастот, членовите на Колегиумот презентираа избор од неколку прашања на кои работеле во текот на изминатите месеци.
Сите изданија на КОЛЕГИУМ може да се најдат на овој ЛИНК.
Во ова издание на КОЛЕГИУМ учествуваа (според редослед на појавувањето): Џабир Дерала (водител), Биљана Јордановска, Диана Тахири, Драган Мишев, Дехран Муратов и Јане Ѓорѓиоски
Реализација: Ариан Мехмети
0:00 – Зборуваме за оние на кои најмалку се мисли: граѓанките и граѓаните – Џабир Дерала 03:04 – Граѓан(к)ите одговорија на 140 и повеќе прашања до сега – Биљана Јордановска 16:44 – Граѓански форум – што имаат граѓан(к)ите да им порачаат на властите – Диана Тахири 24:52 – Говор на омраза и тролови – Драган Мишев 34:43 – Поставуваме прашања што ги засегнуваат сите граѓан(к)и без оглед на припадноста; мразачите не се толку голем проблем, колку што се релативизаторите – Дехран Муратов 42:21 – Како функционира ПРАШАЊЕ НА ДЕНОТ – повик до сите граѓанки и граѓани да учествуваат – Џабир Дерала
