Од Независниот студентски сојуз (НСС) на УКИМ ги демантираат лажните информации објавени во некои медиуми дека утрешниот собир на студентите на платото на УКИМ е откажан.
– Сакаме јасно да кажеме дека собирот НЕ Е откажан. Сите дезинформации што кружат се лажни и тенденциозни. Пленумот ќе се одржи како што е планирано – понеделник во 13:00 часот, Плато на УКИМ – се вели во реакцијата од НСС.
Претходно, одредени медиуми објавија дека НСС се повлекува од организацијата на собирот поради наводно партиско мешање. Сепак, од Сојузот категорично ги демантираат овие тврдења.
М. Д.
