Антикорупцискиот тим на СДСМ објави нова бомба, нови факти, докази и документи, како, според нивните сознанија, семејната фирма на Томовски го чисти буџетот. Или со бројки, 5.3 милиони евра, 161 тендер.
Толку многу има добиено семејната фирма на Томовски, велат од СДСМ и посочуваат дека особено им тргнало чистењето на буџетот откако ДПМНЕ дошла на власт, за 306% во2024 година! А оваа 2025 година има тендери од речиси половина милион евра.
Од СДСМ информираат дека по објавување на оваа бомба, на овој скандал на власта на Христијан Мицкоски, излегол Томовски и побарал да му се извинат.
Не, нема да му се извиниме на Томовски. Кажавме и ќе повториме, не се извинуваме на тие што пумпаат пари од граѓаните! И Арсовски бараше извинување па сега никаде го нема, молчи, велат од опозициската партија, и додаваат: Ние се бориме против криминалот и корупцијата и продолжуваме.
Наместо извинување тие денес денеска објавија, како што велат, уште еден податок, уште еден факт, уште еден доказ.
Од СДСМ информираат дека меѓу телефонските броеви коишто се наведени во оваа семејна фирма, Сити аутсорсинг е и бројот: 078-362-710!
Го проверивме овој број и погледнете чија фотографија излегува. На Ивица Томовски!
Не дека ова беше неопходно за да потврдат семејните врски на Ивица со неговиот татко Витомир ниту пак со неговиот роднина Кутановски кои се во оваа фирма, се додава.
Затоа, СДСМ ги повика Антикорупциската комисија и Јавното обвинителство да покренат истрага за конфликт на интерес и за корупција во врвот на владата на Мицкоски.
Кој сега ќе се извинува Томовски, праша портшаролката на СДСМ од партиската прес конференција?
Само на граѓаните може да им се извините! Но ќе дојде и тоа, кога ќе одговарате, сите до еден! Работата не е завршена, велат од СДСМ.
Директорот на владината Служба за општи и заеднички работи (СОЗР), Ивица Томовски, потврди дека бројот што денеска го обелодени СДСМ е негов, но повторува дека нема никаква поврзаност со фирмата „Сити аутсорсинг“, и најави разврска по судски пат.
„Јас не сум сопственик, не приходувам и немам никаква директна врска со споменатата компанија. Досега не чув каков криминал сум направил, ниту пак видов докази за тоа. Во тоа нивно растурање пердуви, вчера жигосаа уште една домашна компанија која не е моја, а денес јавно го објавија мојот телефонски број – број кој е познат на сите кои ме познаваат, кој го имам со години и кој е единствениот број што го поседувам, доделен пред многу години од мојот татко. На истиот тој број можеа да се јават и да се извинат, но тие одбраа да одиме по судски пат. Затоа уште еднаш повторувам: ќе одговараат, и следува тужба. ‘Јака’ работа завршил антикорупцискиот тим на СДС – го нашле мојот број што сите го знаат и е на мое име“, вели Томовски.
М. Д,
