ДРАГАН МИШЕВ
Невооружени цивили во 31 ирански град ризикуваат сè за својата слобода. Молчењето од ОН, холивудските ѕвезди- како Марк Руфало, на пример, и Грета Тунберг во врска со востанието против иранскиот режим ја открива нивната вистинска загриженост за човештвото. Каде се „душегрижниците за човекови права? Каде се „лутите“ левичарски про-палестински и про-Хамас демонстранти кои носејќи палестински знамиња и ќефии маршираа низ европските градови? Од пред некој ден експресно го додадоа и знамето на Венецуела, но никако тоа да го сторат со знамето на Персија (Иран).
Ги нема ниту на 10-тиот ден од немирите во Техеран, додека иранската полиција повторно се судри со демонстрантите, што придонесе бројот на жртви се искачи на најмалку 36, според американската новинска агенција „Активисти за човекови права“, како што пренесува Мена Њуз.
Демонстрациите продолжија на главниот пазар во Техеран, Големата чаршија, додека гневот се прошири и на улиците во стотици градови низ Иран во вторникот, каде што, според активистите, протестите беа пречекани со боева муниција и солзавец.
Во други видеа објавени на социјалните медиуми се чини дека прикажуваат како безбедносни сили влегуваат во болницата Сина во Хасанабад во вторникот и испукуваат солзавец во медицинскиот комплекс, каде што повредените демонстранти примале третман. Ова беше втор ваков снимен инцидент откако безбедносните сили ја нападнаа болницата „Имам Хомеини“ во западниот град Илам во недела, поттикнувајќи го гневот на јавноста и поттикнувајќи го претседателот Масуд Пезешкијан да нареди истрага.
Министерството за здравство на Иран издаде соопштение во кое се вели дека нападот врз болницата Сина е во фаза на разгледување и ќе се спроведува „во рамките на законот“.
Според групата за човекови права ХРАНА, потврдено е дека најмалку 36 лица се убиени во текот на изминатите 10 дена од протестите. Меѓу нив имало четири лица под 18 години, како и двајца припадници на безбедносните и полициските сили, се вели во соопштението.
Групата за човекови права, која се потпира на мрежа на активисти во Иран, исто така, регистрирала десетици случаи на повреди меѓу демонстрантите, главно предизвикани од куршуми со пелети и пластични куршуми, и најмалку 2.076 апсења.
Немирите започнаа минатата недела кога иранскиот ријал падна на рекордно ниско ниво во однос на американскиот долар. Властите се обидоа со двоен пристап кон протестите – признавајќи ја економската криза и нудејќи дијалог со демонстрантите, додека посилните демонстрации на несогласување се соочуваат со насилство и обвинувајќи ги мрежите поврзани со странски сили за поттикнување на протестите.
Протестите се најголемите што го потресоа Иран откако започнаа националните немири поради смртта на Махса Амини во полициски притвор во 2022 година.
Немирите доаѓаат во време на влошување на условите за живот во Иран, каде што високата инфлација, растечките трошоци и слабата валута го поттикнаа растечкото јавно фрустрација. Санкциите на САД и „повратните“ санкции на ОН против Иран минатата година само ги влошија економските проблеми на земјата.
Се чини дека само претседателот на САД, Доналд Трамп имаше најконкретно осуда на убиствата на демонстрантите од страна на иранските безбедносни сили, заканувајќи се дека ќе им помогне на демонстрантите доколку се соочат со насилство, велејќи „ние сме опремени, натоварени и подготвени да тргнеме“, но без да прецизира какви било дејствија што ги разгледува.
Додека протестите во иранската престолнина, Техеран – предизвикани од зголемените економски тешкотии и кризата со трошоците за живот – продолжуваат веќе единаесетти ден по ред, од ОН објавија само штуро соопштение, кое повеќе личеше на генеричка порака во кое портпаролот на ОН, Стефан Дужарик, на брифингот за новинарите во Њујорк во понеделник соопшти дека генералниот секретар на ОН изјавил дека е „длабоко жали за пријавените загуби на животи и повреди“, како резултат на судирите меѓу безбедносните сили и демонстрантите.
Како одговор на прашањата за време на редовниот брифинг во понеделник, Дужарик додаде дека генералниот секретар на ОН, Антонио Гутереш, ја нагласил потребата да се спречат понатамошни жртви за време на демонстрациите, секако без да потенцира кој е жртва во ситуацијава, а кој ги спроведува насилствата.
Ова особено aко се има предвид жестокоста со која специјален известувач на ОН за окупираните палестински територии, Франческа Албанезе, заедно со активистката за климатски промени Грета Тунберг ги предводеа про-палестинските демонстрации во неколку европски градови, додека скандал предизвикаа изјавите на Франческа Албанезе со кој го оправда инцидент во Торино во кој про-палестинските демонстранти се обидоа да упаднат во редакцијата на реномираниот дневен весник La Stampa, опишувајќи го насилниот напад како „предупредување“ до новинарите повторно да „ја работат својата работа“.
Во официјално писмо испратено до генералниот секретар, UN Watch документираше дека однесувањето на Албанезе постојано го крши сопствениот Кодекс на однесување на ОН и сериозно го поткопува кредибилитетот на системот за човекови права на ОН. Албанезе е осуденa од Франција, Германија, Канада, Италија и Холандија за антисемитизам и инверзија на холокаустот, а е санкциониран и од Соединетите Американски Држави. И покрај ова, ОН не презеде никакви дисциплински мерки.
За контроверзната улога на Тунберg и Албанезе говори муралот на италијанскиот поп-уметник АлеКсандро Паломбо, на кој се прикажани Грета Тунберг и известувачката на ОН Франческа Албанезе во прегратка со терорист на Хамас, кој не случајно се појави во центарот на Милано, поставен на местото за собирање за големите про-палестински демонстрации.
Молкот на Грета за насилството на иранските власти врз демонстрантите можеби лежи во претходната иранска поддршка на нејзините активности и осудата на Иран за наводното израелското „мачење“ на Грета Тунберг, а не треба да се изземе и фактот дека Иран е главниот финансиер и поддржувач на терористичката Хамас.
ЦИВИЛ МЕДИА | Ставовите и наодите во овој текст се целосна одговорност на авторите и не нужно ги претставуваат ставовите на донаторите или на другите партнери и соработници на организацијата.
