Мониторинг-тимовите на ЦИВИЛ во текот на изборниот ден регистрираа повеќе случаи на помали нерегуларности поврзани пред се со техничкиот аспект на спроведување на изборниот процес – доцнење и технички проблеми со фингерпринт апаратите.
Понатаму, се бележи кршење на изборниот молк, како во текот на вчерашниот ден, агитација и пропусти во организацијата на избирачките места низ државата.
Пет случаи со починати лица кои фигурираат во ИС, групно гласање, непрописно однесување на дел од членови од ИО се дел од обработените извештаи од набљудувачите на ЦИВИЛ до 14: 30 часот, посочи Џабир Дерала, претседателот на ЦИВИЛ на втората прес конференција во 14: 30 часот.
Сите информации се добиени од набљудувачи на терен и се нотирани во редовниот извештај за текот на изборниот процес.
Во текот на изборниот ден според нашите набљудувачи беа регистрирани проблеми со апаратите за отпечаток на прст во над десет општини и тоа во Битола, Сарај, Гази Баба, Кичево, Кисела Вода, Кавадарци, Центар, Прилеп, Чаир и Бутел, Аеродром, при што дел од гласачките места започнаа со доцнење, имаше несогласувања во бројките на гласачи и ливчиња, како и неправилно прикажано време или технички дефекти на уредите.
Во Крушево и Центар нашите набљудувачи забележале дека нема пристапност за лицата со попречености.
Во Кичево, ИМ 0791 (ОУ с. Црвивци) Членовите на ИО немале беџови за идентификација.
Крушево, ИМ 1191 (ОУ „Никола Карев“, долна зграда) не била истакната листа на кандидати и советнички листи.
Во Тетово, ИМ 1989/1 (Средно медицинско училиште „Никола Штејн“)
Членовите на ИО не биле сигурни дали набљудувачка од ЦИВИЛ има дозвола за присуство. По консултација со заменик-претседателот, набљудувањето било дозволено.
Непрописно однесување на Избирачките одбори: Во Куманово, ИМ 104 (ОУ „Браќа Миладиновци“), член на Избирачкиот одбор без легитимација се движел низ просторијата и разговарал со познаници во близина на параванот. Станува збор за претседателка на ИО која била на замена до 9 часот. Во Кичево, ИМ 0795 (ОУ с. Шутово), членка на ИО им укажувала на гласачите како да гласаат, гестикулирајќи кон бројот на одреден кандидат. Во Гази Баба, ИМ 2843 (ОУ „Стив Наумов“), на 20 метри од училиштето бил активен штаб на политичка партија, со присуство на партиски активисти кои влегувале и излегувале.
Во Крушево и населба Тризла, Прилеп забележани се вкупно 4 случаи на групно гласање.
Во ИМ 2703 Аеродром Починати лица се уште стојат во ИС, едниот е починат пред 4 год, а другиот е починат пред 2 год. Членовите од семјествата пријавиле и лани за истиот проблем и оваа год повторно фигурираат во Избирачкиот список
Во 0744, Кичево од 11:42 до 12:42 часот, гласањето било прекинато поради проблем со системот за вода и капење вода од таванот. Во моментот на пристигнување на набљудувачката на ЦИВИЛ имало голема редица пред вратата и низ целиот ходник, гласачите чекале да гласаат. Членот на избирачкиот одбор вербално реагирал, изразувајќи незадоволство за тоа што треба дополнително да се занимаваат со нејзиното присуство како набљудувач.
Дерала ги повика граѓанките и граѓаните кои се соочуваат со пречки при остварување на своето право на глас, дека можат да пријават изборни нерегуларности во ЦИВИЛ на следниве начини:
📧 Е-пошта: monitoring.civil@gmail.com
💬 Порака на Фејсбук
(не во коментари, туку преку Messenger)
📞 Телефон: 02 5209 176
🖥️ На располагање е и ОНЛАЈН ПРИЈАВА на изборните нерегуларности.
