ВЕСТ НА ДЕНОТ
Масивна полициска акција во Германија, ултрадесничарска терористичка организација планирала уривање на владата, уапсени 25 лица
Германија утрово ја разбуди масивна полициска акција. Уапсени се 25 припадници на домашна ултрадесничарска и терористичка организација во рација ширум Германија, рано утрото денеска. Во полициската акција учествуваа 3.000 припадници на полицијата во 11 сојузни држави, каде што беше извршен претрес на 130 локации. Една поранешна парламентарка (во мандатот 2017-2021 година) од ултрадесничарската партија АФД е меѓу уапсените. Двајца се уапсени надвор од границите на Германија – во Италија и Австрија, пренесува Цивил Медиа.
ИЗЈАВА НА ДЕНОТ
Фезер: Спречениот заговор ја покажува опасноста од екстремната десница во Германија
-Истрагата дава увид во бездната на десницата и колкава закана претставува групата „Граѓаните на Рајхот, изјави Германската министерка за внатрешни работи, Ненси Фезер, по апсењето на 25-те лица осомничени за планирање државен удар.
Фезер додаде дека откриената терористичка мрежа, според досегашната истрага, била водена од „насилни фантазии за рушење на државата и конспиративни идеологии“.
ВОЈНА ВО УКРАИНА
Украинскиот претседател Володимир Зеленски е прогласен за „Личност на годината“ на магазинот Тајм. Тој беше еден од 10-те поединци или групи што влегоа во потесниот избор на почетокот на оваа недела.
ФЛЕШ ВЕСТИ
ВИЗИ Северна Македонија не воведува визи за Косово, станува збор за грешка на ЕК која ќе биде поправена.
АНТИКОРУПЦИЈА Да се стави крај на криминалот и корупцијата, порача Спасовски, кој ги поддржува ставовите на амбасадорка Агелер.
ШТЕДЕЊЕ АД ЕСМ во октомври заштедила 30 проценти струја споредено со истиот месец лани.
МЕДИУМИ
„Отпорно новинарство во борба против дезинформациите и пропагандата“
„Состојбата со дезинформациите и пропагандата во нашата земја е никаква, многу е лоша, вели новинарот Зоран Иванов во интервју за ЦИВИЛ Медиа.
„За борба против дезинформациите и пропагандата треба сите чинители во општеството да се вклучат за да не се отвори можност за манипулации и пропаганда.“, изјави во интервју за ЦИВИЛ Медиа главната уредничка на „Порталб“, Елида Зулбеари.
AL –PRESS
(ИЗБОР) Албански медиуми: Чија „сопственост“ беа протестите во Тирана, Балканот и припаѓа на Европа, правни процедури не се лекот за Косовско -српскиот проблем.
АНКЕТА
Анкета: Граѓаните велат дека не се тие виновни што Градот не го решава проблемот со превозниците.
Д. Тахири
