(Обновено) Американски официјален претставник изјави за американскиот партнер на Би-Би-Си, ЦБС дека „Дамаск паѓа предградие по предградие“ во рацете на бунтовниците.
Сирискиот министер за внатрешни работи вели дека има „многу силен воен кордон“ околу главниот град низ кој тврди дека никој нема да може да помине, пренесува АФП.
Прeтходно беше објавено дека сириските бунтовници се приближуваат кон Дамаск од север и југ и влегле во клучниот град Хомс, пренесува Би-би-си според извештаите од теренот. Сириското претседателство ги негира информациите дека претседателот Башар ал Асад го напуштил Дамаск
Нивната цел е соборување на режимот на Асад, изјави лидерот на исламистичката милитантна група ХТС.
Додека бунтовничките борци напредуваат кон Дамаск, се чини дека демонстрантите излегуваат на улиците во предградијата на сириската престолнина, пркосејќи на контролата на претседателот Башар ал Асад.
Видео снимката објавена на социјалните мрежи покажува демонстранти како скандираат и навиваат додека статуата на починатиот татко на претседателот Асад, Хафез ас-Асад, е соборена во јужното предградие Џерамана.
Друга статуа на Хафез, кој беше сириски претседател од 1971 година до неговата смрт во 2000 година, беше урната во петокот во градот Хама.
Пред кратко време, сириската државна новинска агенција тврдеше дека „заспаните ќелии“ објавуваат клипови на социјалните мрежи од јавните области на Дамаск за да сугерираат дека ја презеле контролата врз нив „со цел да шират хаос меѓу граѓаните“.
Дописникот на Би-Би-Си за безбедност Френк Гарднер вели дека на Блискиот Исток се менува шаховска табла, додека неговиот колега дописник на Би-Би-Си за Блискиот Исток, Хуго Бачегавели дека темпото на напредување на бунтовниците во Сирија е неверојатно, вели
Драган Мишев
