Лидерите на Европската Унија едногласно се согласија да и доделат нова помош на Украина во износ од од 50 милијарди евра, пренесува Ројтерс.
Пред почетокот на самитот, лидерите на ЕУ извршија притисок врз Унгарија да ја укине блокада, велејќи му на премиерот Виктор Орбан да избере страна во рамки на егзистенцијалниот предизвик предизвикан од руската војна во Украина, најголемиот конфликт во Европа по Втората светска војна.
„Постигнавме договор. Единство“, рече претседателот на Европскиот совет, Шарл Мишел во објава на X. „Сите 27 лидери се согласија за дополнителен пакет за поддршка од 50 милијарди евра за Украина во рамките на буџетот на ЕУ“.
Претседателот на Украина Володимир Зеленски го поздрави договорот, велејќи дека помошта ќе ја зајакне долгорочната економска и финансиска стабилност на неговата земја додека војната се приближува кон третата година.
Подготвил: Марта Пешевска
