Русите заробија десетици цивили во пограничниот град Вовчанск, изјави украински функционер, а висок претставник на регионалната полиција ги обвини дека ги користеле заробениците како „човечки штит“. Москва ја засили офанзивата во северна Украина. Главниот нападнат е на градот Вовчанск во областа Харкив. Руските сили тврдат дека ги контролираат околните села, а илјадници цивили се во бегство, објави Си-Ен-Ен.
Прекуграничниот напад дојде во тежок месец за Кијив и означи уште еден пример за работите што тргнаа наопаку за Украинците. Нивните сили се слабо распоредени, со многу помалку артилерија од Русите, крајно несоодветна противвоздушна одбрана и немаат војници. Ситуацијата ја влоши сувото време кое им овозможи на руските механизирани единици полесно да се движат.
Заменик-шефот на украинската одбранбена разузнавачка служба, генерал-мајор Вадим Скибицки, изјави за Економист: „Нашиот проблем е многу едноставен – немаме оружје. Тие секогаш знаеја дека април и мај ќе бидат тешки периоди за нас“.
Vovchansk.
Two weeks ago, this was just a quiet town at the border with Russia.
Then Russia’s fascist plague came. Again. pic.twitter.com/qrFNxZHXSc
— Illia Ponomarenko 🇺🇦 (@IAPonomarenko) May 18, 2024
Неколку аналитичари очекуваат Русите да ја прошират граничната офанзива на запад кон регионот Суми, каде руските специјални сили спроведуваат рации со месеци. Русите имаат доволно луѓе да ја прошират одбраната на Украина преку повеќе точки за напад оддалечени на стотици километри, принудувајќи го Кијив да размислува каде и кога да ја фокусира својата очекувана летна офанзива.
Сергиј Болвинов, началникот на истражниот оддел на регионалната полиција во Харкив, изјави дека руските војници заробиле околу 40 цивили во подрум, во близина на нивниот „команден штаб“. „Тие ги испрашуваат, а оние што ги спроведуваат сослушувањата се нарекуваат вработени во ФСБ“, истакна Болвинов, мислејќи на руската агенција за внатрешна безбедност. „Тие ги користат затворениците како жив штит“, додаде тој.
Тој рече дека затворениците биле главно повозрасни луѓе кои „не сакале да се евакуираат до самиот крај“ и биле заробени кога конечно решиле да заминат на територијата под контрола на Украина.
Болвинов рече дека еден повозрасен жител на Вовчанск бил убиен откако одбил да ги послуша нивните наредби и се обидел да избега. Оваа информација доаѓа еден ден откако украинскиот министер за внатрешни работи Игор Клименко изјави дека Русите заробуваат цивили во Вовчанск.
❗️This is what the city of #Vovchansk in the Kharkiv region looks like today.
“On certain days, the russians throw 20 KABs a day at the city,” write photographers Konstantin and Vlada Liberovs, who showed the destruction of the city. pic.twitter.com/JdnmsSHcn1
— Toronto Television / Телебачення Торонто (@tvtoront) May 18, 2024
„Знаеме за првите случаи на егзекуција на цивили од страна на руската армија“, објави Клименко на својот канал Телеграм. „Поточно, еден од жителите на Вовчанск се обидел да избега пеш, тој одбил да ги послуша наредбите на напаѓачите и тие го убиле“, додаде тој. Полициските истражители поднесоа кривична пријава за кршење на правилата на војување, рече тој.
Руските сили вчера извршија воздушни напади врз Харкив. Најмалку три лица загинаа, а 28 се повредени, изјави градоначалникот Игор Терехов. Олег Синијехубов, шеф на регионалната воена администрација во Харкив, вчера изјави дека областа била двапати погодена од наведувани воздушни бомби. Речиси 10.000 луѓе беа евакуирани.
Украинскиот претседател Володимир Зеленски минатата недела ги одложи сите меѓународни посети. Во интервју за новинската агенција АФП, Зеленски рече дека руската офанзива во регионот Харкив „не е стабилизирана, но е под контрола“.
Украинскиот претседател нагласи дека украинските сили ги контролираат правците за влез на руските војници во регионот, но дека руската операција продолжува. Тој исто така рече дека може да има „неколку бранови руски напади врз регионот“.
Г. Т.
