Руски воен брод, кој беше оштетен од експлозија во средата, потона, соопшти руското Министерство за одбрана, пренесува Би-Би-Си.
Воениот брод „Москва“, предводникот на руската Црноморска флота, беше влечен до пристаништето кога „бурните мориња“ предизвикаа да потоне, се вели во пораката на Министерството.
Ракетниот крстосувач со 510 членови на екипажот беше симбол на воената моќ на Русија, што го предводеше нејзиниот поморски напад врз Украина.
Киев вели дека неговите проектили го погодиле воениот брод, додека официјална Москва не пријави никаков напад, тврдејќи дека бродот потонал по пожар. предизвикан од експлозија на муницијата на воениот брод, додавајќи дека целиот екипаж подоцна бил евакуиран во блиските руски бродови во Црното Море.
Откако првично Русија изјави дека воениот брод плови, подоцна во четвртокот руското Министерство за одбрана објави дека Москва е изгубена.
Бродот тежок 12.490 тони е најголемиот руски воен брод што е потопен во акција од Втората светска војна.
„Додека беше влечен кон одреденото пристаниште, бродот ја загуби рамнотежата поради оштетување претрпено во трупот, бидејќи избувна пожар по експлозија на муниција. Со оглед на немирното море, бродот потона“, соопшти руското Министерство за одбрана.
Украинските воени претставници изјавија дека ја погодиле Москва со ракети Нептун од украинско производство – оружје дизајнирано по руската анексија на Крим во 2014 година, кога поморската закана за Украина во Црното Море се зголемила.
Потонувањето на бродот беше опишано од САД како „голем удар“за Русија, но американските власти не можеа да потврдат дали за тоа се одговорни украинските ракети Нептун.
подготвил Д.Мишев
