„Ние не можеме да се одвоиме од соседите, конкретно од случувањата во Белград и цел Србија. Излегоа на површина веднаш по победата, но и претходно, руските инсталации и пропагадната војна што ја водат константно во регионот, а особено во Србија“, изјави Драган Мишев во „Ослободи го умот“, зборувајќи за за главните пропагандни наративи во контекст на изборите во Србија, но пресликувањето на тие наративи во Северна Македонија.
„Очекувам дека изборната кампања кај нас ќе биде многу валкана. Еден главен и одговорен уредник на една од теливизиите што беа посочени во Извештајот на колегите од Љубљана, излезе во јавноста, во меидум, на интернет и се закани дека на следните избори ќе летале глави, ќе се тркалале мртви тела по улиците и директно посочи кон кого – кон членови и нивните семејства на владејачката партија. Реакција до сега нула“, вели Драган Мишев.
Мишев додаде дека влијанието на руската порпаганда кај нас доаѓа од српските медими, а медиумите, оние што се проруски, целосно ги преземаат вестите од српските медиуми што се однесуваат на руската пропаганда.
Б. Јордановска
камера и фотографија: Дехран Муратов
монтажа: Ариан Мехмети