Претседателот Володимир Зеленски денес во Рим, каде присуствуваше на инаугуративната миса на папата Лав XIV во Ватикан, се сретна со потпретседателот на САД Џ.Д. Венс. Државниот секретар Марко Рубио, исто така, беше присутен на разговорите.
Средбата ја потврди портпаролот на украинскиот претседател Сергеј Никифоров, според Укринформ.
„Средбата (со потпретседателот на САД Џ.Д. Венс – ур.), на која присуствуваше Марко Рубио, штотуку заврши“, изјави Никифоров.
Во својот завршен говор на интронизацијата на плоштадот „Свети Петар“ во Ватикан, папата Лав XIV ја спомена тековната руско-украинска војна и повика на праведен и траен мир во Украина.
„Во овој момент, не можеме да ги заборавиме нашите браќа и сестри кои страдаат поради војната… Војната одзеде животи на многу млади луѓе во Украина“, изјави папата.
Лав XIV, кој штотуку ја презеде функцијата поглавар на Католичката црква, ја нагласи важноста на преговорите за постигнување мир.
М. Д.
