ВЕСТ НА ДЕНОТ
Се вештачи оружјето поврзано со двојното убиство, споделувањето повеќе информации не е добро за истрагата
Во тек е вештачењето на двете парчиња огнено оружје, кои се најдени и се поврзуваат со двојното убиство на 14-годишната Вања Ѓорчевска и 74-годишниот Панче Жежовски. Кога ќе заврши нивното вештачење, анализите ќе бидат доставени до Основното јавно обвинителство…
ИЗЈАВА НА ДЕНОТ
Рамадани: Техничкиот премиер Албанец е показател за етничка еднаквост
„Кога прв пат функција премиер има еден Албанец тоа позитивно одекнува кај Албанците со тоа што се чувствуваат дека Албанците полека и сигурно ги остваруваат правата за кои мислеле дека треба да се рамноправни. Тоа се остварува со демократски средства, па секако им значи на Албанците, а верувам дека и Македонците тоа го сфаќаат како нешто нормално. Секако има и такви кои мислат дека Албанец не може да врши такви функции, но со текот на годините бројот на таквите се повеќе се намалува и табуата се надминуваат’’, ијави политичкиот аналитичар Исмет Рамадани.
ФЛЕШ ВЕСТИ
ЕКОНОМИЈА Вицепремиерот за економски прашања Фатмир Битиќи смета дека земјава во текот на наредната година ќе се врати на нормалните години на стапките на инфлација и покрај тоа што ќе биде година на закрепнување …
ИЗБОРЕН ЗАКОНИК Работната група што ја формираше Министерството за правда ги подготви измените на Изборниот законик во кој се внесени препораките на ОБСЕ/ОДИХР, како и платеното политичко рекламирање да не биде повеќе на товар на државата.
ЛЕГАЛИЗАЦИЈА ДИВОГРАДБИ Предлог закон за изменување и дополнување на Законот за постапување со бесправно изградени објекти, по скратена постапка, на предлог на пратеникот Скендер Реџепи е на дневен ред на 135. седница на Собранието закажана за 22 декември годинава.
ИНТЕГРАЦИИ Со Дијалогот Жан Моне, Европскиот парламент ја зајакнува способноста на политичките лидери да развијат вистински меѓупартиски дијалог и да изградат консензус неопходен за генерирање на демократска парламентарна култура и доверба…
ВОЈНА ВО УКРАИНА
ISW: Русија нема намера да се вклучи во сериозни преговори со Украина со добра волја се вели во извештајот на Институтот за проучување на војната (ISW) со седиште во Вашингтон, кој ги оценува намерите на Русија да води сериозни преговори со Украина…
Москва започнува кампања со висок степен на напади со цел да ја деградира енергетската инфраструктура на Украина, според британското Министерство за одбрана, повикувајќи се на разузнавачки извештаи, …
КОНФЛИКТИ
Израелските сили приведувале цивили на кои им се губи трагата
Израелските сили привеле палестински цивили, главно мажи, во Газа за време на двата месеци од војната, според членовите на семејствата и групи за човекови права, кои велат дека не добиле…
ГОВОР НА ОМРАЗА
Претседателот Стево Пендаровски истакна дека неодамнешното двојно грозоморно убиство на површина го извлече фактот дека дел од радикалните структури не само што се активни кај нас, туку и дека нивната политика и говор на омраза можат да резултираат со трагични последици.
Националистичката реторика и говорот на омраза се засили на социјалните мрежи по номинацијата на Талат Џафери од Демократската унија за интеграција (ДУИ) за премиер на техничката влада, на 100 дена пред парламентарните и претседателските избори.
АЛ-ПРЕС
Редакциски избор од албанските медиуми во регионот: Сандра Мичел, поранешна функционерка на ОБСЕ во Косово, 38-ми сведок, и денеска ќе сведочи за организациската структура на ОВК. Во Албанија, истрагите на Специјалното обвинителство за горилникот во Тирана, кои доведоа до издавање на 15 налози за апсење, открија низа неправилности во постапките што се следеа за доделување на концесијата на победничката компанија.
СТАВОВИ
Овој текст е „инспириран“ од веста со наслов: „извесен претседател на мес(е)ниот комитет во охридско фатен со дрога и разрешен од функцијата“. И, ќе прашате, какви се моите впечатоци кога го прочитав ова соопштение, или може ќе прашате, што ѝ прават на мајка Македонија заколнатите патријархални верници на бракот, семејството и родот? Важи, одиме на „хартиска задача“, пишува Ненад Јовановиќ во „Помислил дека е Черчил или Фокнер, па отишол во партија да промовира „патријархални вредности“.
СЛОБОДНА ЗОНА
Пригодно на празникот прелистувам теми поврзани со светецот и за око ми западнаа два податока. Во универзитетот што го основал за ука се фатиле 3500 ученици. Восхитен сум од бројот ако се земе контекстот на темниот среден век. Ама нешто ми го мати есапот. Ученици и можел да најде ама каде нашол наставници за учениците? Мора да му било тешко зошто ја немал денешната несебична помош на партиските списоци, пишува Војо Маневски во колумната „Св. Климент подучувал или делел дипломи?“
Пред да седнат на новите функционерски столчиња, ќе го докажуваат својот етнички идентитет и така, прашано во оваа една реченица, ќе се вклопат во меѓупартискиот етно ротациски дил освен ако при изборот не потпишат некаква неуставна па сепак свечена изјава во која отприлика би изговориле: “Се колнам и потпишувам дека сум Албанец”, и вториот во идентичен стил: “Се колнам и потпишувам дека сум Македонец”, пишува Зоран Иванов во рубриката „По допрен глас“ текст со наслов „Вие си знаете ама тоа така повеќе ич не бива, ама ич„.
Подготви: Д. Мишев
