Kористењето на службените возила за остварување на партиски цел не е новина во Крушево, а претпоставувам и во другите градови низ Македонија. Што прават службените возила на Јавното Претпријатие “Комуна” и новото службено возило на Општина Крушево, кое е купено пред една година, пред Штабот на ВМРО-ДПМНЕ, доцна навечер, се прашувам како граѓанин на Крушево, со чии пари се купени споменатите возила.
Како што може да се забележи од фотографиите, двете возила се паркирани надвор од работно време, пред Штабот на ВМРО-ДПМНЕ, каде сигурно вработените во овие институции кои управуваат со возилата, не вршат јавна фукнција за остварување на интересите на сите жители на Крушево.
Сотир Габеловски
Оваа содржина се објавува во рамките на четвртиот круг од натпреварот „Биди граѓански новинар“ на проектот Граѓански објектив на ЦИВИЛ, поддржан од National Endowment for Democracy. Содржината на овој прилог е минимално редактирана од редакцијата на ЦИВИЛ Медиа, соодветно на концепцијата на проектот и на веб страницата.
