Н.Е. Петра Дрекслер на „Меѓународната конференција: Одбрана на демократијата и човековите права во време на војни, национализам и авторитаризам“, 12 декември 2024 година, Скопје
Она на што сега сведочите, е пример за многуте придобивки од германскиот федерализам.
Не само што оваа конференција е иницијатива на Северна Рајна-Вестфалија, една од 16-те сојузни покраини на Германија, таа е исто така дел од инвестицијата во пошироко партнерство со Северна Македонија и со регионот како целина. Оваа заложба се заснова на убедувањето дека европската перспектива на земјите од Западен Балкан им служи на интересите на Северна Рајна-Вестфалија. Таа се заснова на стратешки интерес што е заеднички на национално ниво во Германија- нашата посветеност кон проширувањето на ЕУ.
Одбраната на демократијата и човековите права е суштинскиот принцип на европската идеја. Тоа е морална и законска обврска за владите, не само во Европа. За да ја исполниме нашата обврска, потребни се одржливи партнерства, партнерства меѓу владите, но и со граѓанското општество и медиумските актери.
Слободата на медиумите е и предуслов и барометар за почитување на човековите права. Тоа е исто така клучен столб на либерално-демократскиот поредок. Без информирана одлука, не може да има демократија.
Денес, обезбедувањето на информираното донесување одлуки е еден од основните предизвици со кои се соочуваме. Со достапните ударни вести 24/7, се чини дека лошите вести не престануваат. Ветувањата за лесни решенија за сложени проблеми бидејќи најдобро се вклопуваат во видеото на TikTok или Youtube се токму тоа – лесно. Се чини дека нудат начин на подобрување без многу напор. Спротивставувањето на дезинформациите е тешко со сложени аргументи.
Згора на тоа, таргетираните дезинформациски кампањи си поигруваат со стравовите на луѓето, како гласноговорници за лажните ветувања за лесни одговори. Станува се потешко подобриот аргумент да победи кога се чини дека лажниот е полесно решение.
Овде, во регионот, загрижува колку дезинформациите влијаат на чувствата на луѓето кон ЕУ. Може да се следи дека околу 10% од дезинформациите што кружат во регионот доаѓаат од Русија. Засилувачи на дезинформациите можат да бидат политичарите или медиумите, без разлика дали е тоа доброволно или непознато за самите актери. Кога дезинформациите доаѓаат од извори на кои треба да им веруваме, уште потешко е да се идентификуваат и да се отстранат погрешните информации.
Но, ако сакаме да ги заштитиме нашите демократии, треба да се соочиме со тој предизвик. Потребна е заедничка акција, меѓу владите и меѓу сите оние кои веруваат во либералните вредности.
Одбраната на демократијата и човековите права не е само обврска, тоа е предуслов за остварување на нашите заеднички интереси.
Оваа конференција дава можност преку отворена дебата да се идентификуваат можните заеднички акции. Дебата меѓу истомисленици учесници кои не мора да се согласуваат во сите нивни мислења и анализи, но кои се обединети преку заедничко убедување и заеднички интерес: одбрана на човековите права и правење на нашите демократии посилни.
Им благодарам на Северна Рајна-Вестфалија за поддршката на оваа иницијатива, ЦИВИЛ и МЕДИА Дијалог што не собраа сите нас и сите партнери на вашиот настан, и ви посакувам плодна дебата и очекувам препораки за понатамошно заедничко дејствување!
Камера: Атанас Петровски/Игор Чадиновски
Монтажа: Ариан Мехмети
Фотографија: Роберт Атанасовски
