ДРАГАН МИШЕВ
Пред сопартијците и некои министри од неговата влада, на домашен терен, на ЦК на ВМРО-ДПМНЕ, таму каде што знае дека што и да каже, што и да излаже, ќе биде награден со аплауз, премиерот Мицкоски констатираше дека дека владата е стабилна и силна, и дека ги исполнува очекувањата на граѓаните.
Но тоа само под услов ако се лоботомирате и го следите политичкото Е-Пе-Пе на провладините медиуми, кој како да воведоа медиумска блокада на известување за протестите на семејствата на загинатите во трагедијата во Кочани, и преку пласирањена анкета на Маркет Вижн, платена 400.ООО евра од буџетски пари, само еден ден по пожарот, ви го бојат светогледот розово.
Во реалниот живот, обичните граѓани, кои не се дел од ова „силна“ владина структура, на свој грб чувствуваат како оваа неспособна влада ги „исполнува ветувањата и очекувањата“на граѓаните.
Додека цените галопирачки секој ден го пробиваат „плафонот“, платите ни да мрднат, а стандардот на граѓаните го пробива дното.
Како ли сега едно четиричлено семејство, кое според Мицкоски треба да биде составено од тато, мама, дада и бато, да се справи со потрошувачката кошничка дизајнирана од премиерот за тричлено семејство?
И додека „стабилната и силна“ владина коалиција си ги билда мускулите за настап на наредните избори, во еден многу значаен сегмент од владата, битен за физичкиот опстанок на жителите на оваа држава, предводен од министерот за здравство Арбен Таравари, кој единствено е заинтересиран со кого ќе коалицира на локалните избори, се случува колапас.
Тоа што сега за медиумите и ботовите на социјалните мрежи онкологија е забранета тема од кога ВМРО-ДПМНЕ е на власт, воопшто не значи дека проблемите се решени. Напротив. Тие уште чекаат терапија од Онкологија, од која им зависи животот, скептични дека воопшто живи ќе ја дочекаат.
Со нередовното снабдување на инсулин и лекови за дијабетичарите, со доаѓањето на новата владина номенклатура, во инсулинските амбуланти владее хаос. Нема, има само двe, дојди деновиве по третото , Се уште не ни доставиле, имаше ама заврши, не знаеме кога пак ќе има, дојди после 1-ви. А до први??? Дури и инсулинската аптека во поликлиника Јане Санданси, која треба да биде отворена во 8 часот, денес не беше отворена до 8.10, кога пациентите што чекаа почнаа да го губат трпението, а и времето за кое можеа да отсуствуваат од работа им завршуваше, па почнаа нервозни да си заминуваат. А зошто и да отвори, ако ги нема залихите кои треба да им ги даде на пациентите.
Но затоа, владините мегафони како колосален успех на владата ја претставија најавата за укинувањето на визите за македонските граѓани за патување во Обединетите Арапски Емирати, резултат на посетата на владината делегација предводена од Христијан Мицкоски на ОАЕ.
Нема што, огромна придобивка за македонските граѓани кои со минимална плата која владата на Мицкоски не дозволува да достигне ниту до 500 евра,до сега не можеа да си дозволат ниту одмор во Струга или Дојран, сега, благодарение на вонпланетерните можности на премиерот и неговите министри, ќе може да се сончаат и да ги згреат коските на врелиот емиратски песок. Добро ќе им дојде за следната грејна сезона, кога нема да можат да си ги платат поскапените струја, парно, огревно дрво
