Унгарскиот премиер Виктор Орбан на последниот натпревар на унгарската фудбалска репрезентација се појави со шал на кој беше испечатена картата на „Голема Унгарија“ на која има и парче Трансилванија. Сликите се објавени на неговата Фејсбук страница, пренесува Романиан журнал.
Картата на Голема Унгарија е симбол на унгарскиот ревизионизам кој се почесто го користат функционерите од Будимпешта.
Потегот на Орбан доаѓа само неколку дена по дискусијата со романскиот министер за надворешни работи во која двајцата официјални лица се осврнаа и на „прашањето на приватните посети на Романија од страна на некои унгарски официјални лица и несоодветните јавни изјави испратени од нив“.
Деталот на шалот што го носеше Орбан го истакна европратеничката од РЕПЕР Алин Митуца.
„Неодговорно однесување на Виктор Орбан, кој денеска се покажа како носи шал со картата на „Голема Унгарија“. Тоа е ревизионистички гест што го става Орбан покрај Путин, кој исто така сонува за промени на границите. Тоа е уште една неприфатлива порака од унгарскиот премиер, по онаа во која пред малку зборуваше за „чистата раса“, која потсети на нацистичкиот период. Орбан мора да одговори за таквите постапки кои се неспоиви со статусот на член на семејството на либералните демократии“, објави Митуца на својот Фејсбук профил.
Не е првпат Виктор Орбан да ја користи картата на „Голема Унгарија“. Премиерот на Унгарија пред две години со суптилна порака им посака успех на средношколците на бакалауреатот од тестот по историја – премиерот објави слика од глобус со политичката карта на светот од 1862 година, во преден план. како Хабсбуршка империја и „Голема Унгарија.“
„Пусти желби“, одговори тогашниот поранешен романски премиер Лудовик Орбан.
Тогаш реагираше и Словенија, при што претседателот Борут Пахор изјави дека ова не е прво јавно појавување на предметната карта и дека тоа може да се сфати како израз на територијални претензии, кои треба да ги загрижуваат „јавноста и демократските политичари“.
Во вторникот, владата на Украина, исто така, објави дека ќе го повика унгарскиот амбасадор за објаснување откако Виктор Орбан се појави на фудбалски натпревар носејќи шал на кој беше испечатена мапа на Голема Унгарија, објави украинското Министерство за надворешни работи.
„Промовирањето на ревизионистичките идеи во Унгарија не придонесува за развојот на украинско-унгарските односи и не е во согласност со принципите на европските политики“, изјави на Фејсбук портпаролот на Министерството, Олег Николенко.
Голема Унгарија, дел од Австро-унгарската империја, мултинационална конструкција со бицефална влада во која Унгарија и Австрија доминираа со голем број други националности, вклучувајќи Романци и Украинци, пропадна по поразот во Првата светска војна.
Голема Унгарија ја вклучуваше, меѓу другото, украинската територија Закарпатија, но и територии како Трансилванија, Банат, Крисана и Марамуреш, северна Србија и територијата на денешна Хрватска и Словачка.
Подготви: Д. Мишев
