Началникот на Генералштабот на израелските одбранбени сили, генерал-полковник Херзи Халеви, им се обрати на медиумите во близина на границата со Газа, велејќи дека израелските вооружени сили се подготвени и ќе го натераат раководството на Хамас да плати за својот убиствен напад врз Израел на 7 октомври, објави Гардијан.
„Израел е среде војна што ја започна терористичката група Хамас. Ние се подготвивме за ова. ИДФ е подготвена за маневар, а ние ќе донесеме одлука со политичкиот ешалон за формата и времето на следната фаза. Ја користиме секоја минута за да бидеме уште поподготвени. И секоја минута што ќе помине од другата страна, го погодуваме непријателот посилно. Убивање терористи, уништување инфраструктура, собирање повеќе разузнавачки информации за следната фаза. Ова е наша земја, наш дом и ќе ја браниме со сите средства“, истакна Халеви.
Според него, „оваа војна има една адреса: раководството на Хамас и сите оние кои дејствувале под негова команда“.
„Ќе ја платат цената за тоа што го направија. ИДФ се бори против Хамас, а не против народот во Газа. ИДФ сака луѓето од Газа да поминат низ оваа војна што е можно понеповредени. Секој жител на Газа треба да донесе одговорна одлука за доброто на својот живот“, нагласи шефот на израелската армија.
Г. Т.
