ЉУБОМИР КОСТОВСКИ
„Ние секогаш ќе бидеме Македонска православна црква, кој како сака нека нѐ ословува. Колку што сум информиран, не се бара од нас да направиме уставна промена заради промена на нашето име, туку само во меѓусебните релации, кога се обраќаме до Цариградската патријаршија, да се обраќаме како Охридска архиепископија“, изјави за ТВ Сител во Рим, митрополитот европски на МПЦ-ОА, г. Пимен.
Изјавата е поврзана со прашањето поврзано со изјавата на поглаварот на МПЦ-ОА, г.г.Стефан дека се бара нашата Црква да го смени името, да се изостави зборот – македонска, како услов за да додели томос.
Првиот свештеник на МПЦ – Стефан со неколку изјави во јавноста одново сокри дека клучот на недоразбирањето со цариградската патријаршија, од каде треба да дојде вистинскиот томос е во фактот дека треба да ја признаеме Украинската црква, онаа која го има истиот проблем со РПЦ што ние го имавме на тој план со Српската!
Но, она што е во случајот поважно е дека оваа изјава на Пимен нема простор кај нашите тв медиуми. Иако ТВ сител сними 10-минутен разговор со Пимен на овие прашања до вечерта дојде до неприфатлива редукција. На пример во вестите во 23 часот вчера (Валентин Николовски) беше даден одбран сегмент од присуството на Силјановска Давкова во Рим а од изјавата на Пимен е исфрлен клучниот сегмент од неговата изјава, јасно, контрадикторен од изјавата на г.г. Стефан. Затоа добивме еден монолог на оваа тема од владиката Петар да не ви кажуваме каков (кој си има своја телевизија).
Но, треба ли сега да држиме лекции што е новинарствво и дека тоа е пред се пат кон вистината, која во случајов, како и многу пати дневно во Сител е сокриена. Петар не може да биде даден издвоено никако од оној со кого тој се спори, посебно во оној сегмент за што се спори!
Текстот е личен став на Авторот | ЦИВИЛ МЕДИА