ВЕСТ НА ДЕНОТ
Италијанските воздухопловни сили во НАТО ќе патролираат над македонското небо
Министерката за одбрана Славјанка Петровска и италијанскиот министер за одбрана Гвидо Кросето денеска во Центарот за обука на пилоти во касарната во Петровец, ќе го потпишат Техничкиот договор за вклучување на Италијанските воздухопловни сили во НАТО мисијата за воздухопловно патролирање над македонското небо, соопштија од Министерството за одбрана.
ИЗЈАВА НА ДЕНОТ
Петровска: Судот донесе одлука – Ковачки искажал невистини
Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил..
ФЛЕШ ВЕСТИ
НАТО ПРОШИРУВАЊЕ НАТО денеска ја слави 20-годишнината од најголемото проширување на Алијансата, кога на пактот се приклучија седум земји…
ПЕНЗИСКИ СИСТЕМ ВМРО-ДПМНЕ да не користи популизам кога е во прашање зголемувањето на пензиите, бидејќи нивното ветување ќе го дестабилизира пензискиот систем…
ЕРАЗМУС+Евроамбасадорот во државава Дејвид Гир изјави дека нема да се намалат финансиските средства определени од Европската унија за Националната агенција за Еразмус+…
ИЗБОРИ Предизборна делегација на Парламентарното собрание на Советот на Европа (ПССЕ), на крајот од неколкудневната посета на Северна Македонија оцени дека периодот пред изборите е стабилен и се очекува изборите да ги исполнат демократските стандарди…
ВОЈНА ВО УКРАИНА
- Руските агресори нема да најдат безбедно место на украинската земја, ниту во позадината, ниту на фронтот, изјави Олександр Сирскиј, врховен командант на вооружените сили на Украина во интервју за Укринформ….
- Не е точно дека во украинскиот ракетен напад врз базата на руската црноморска флота во Севастопол, во окупираниот Крим, беа погодени два руски воени брода, како што беше соопштено предходно, погодија четири руски бродови…
-
Масивен руски ракетен напад: Нападнати 10 региони и енергетската инфраструктура на Украина во текот на ноќта, противвоздушната одбрана уништила 58 беспилотни летала Шахед, 26 проектили во текот на ноќта…
КОНФЛИКТИ
- Меѓународниот суд на правдата при ОН му наложи на Израел да преземе мерки, вклучително и отворање повеќе копнени премини за доставување храна, вода, гориво и други стоки за жителите на…
- Меѓународниот суд на правдата му нареди на Израел да дозволи непречен проток на помош во Газа за да се спречи гладувањето…
ИЗБОРНА ХРОНИКА
Претседателските кандидати договараат мастер дебата до 10 април, ВМРО-ДПМНЕ ги потврди листите за пратеници, Села влезе во коалиција со ДУИ
ЦИВИЛ ЕДУКАЦИЈА: Што подразбира изборен материјал? Што е гласачко ливче?
Во изборниот материјал за спроведување на изборите спаѓа: кутии за гласање и паравани, обрасци на записници и дневник за работа на избирачкиот одбор, блок со гласачки ливчиња според изводот од Избирачкиот список, листи на кандидати, потпишан извод од Избирачкиот список, средства за обележување на лицата кои гласале (спреј и УВ ламба), графитно перниче, печати, упатство за гласање и друг материјал потребен за гласање.
ЦИВИЛ одговара на овие и на низа други прашањата со години наназад, во деновите пред почетокот и за време на изборните кампањи. Така и во пресрет на Изборите 2024, ЦИВИЛ им излегува во пресрет на граѓанките и граѓаните со информации за сите прашања поврзани со изборите.
АЛ-ПРЕС
Редакциски избор од албански медиуми во регионот: Албанската опозиција бара да се прогласи неважечко гласањето од 7 март; Во Скадар запленети се 37.336 кубици садници канабис; Курти нема да даде оставка, инсистира на распуштање на собранието
ДЕЗИНФОРМАЦИИ
Според лажните вести што ги шират на платформата на социјалните мрежи Х, осомничените за терористичкиот напад во Москва се идентификувани како украински државјани кои наводно биле ангажирани од државата користејќи пари од американските даночни обврзници. Пропагаторите дистрибуираат фотографии од четири украински пасоши како наводен доказ. Едниот го покажува името Циезар Јули-Халарирохаилалирозр Илич, а на другиот Малуха Микола Валеријович. Останатите две фотографии се со низок квалитет и имињата не се читаат, пишува Драган Мишев во „Руските пропагандисти шират лажни фотографии од пасоши на Украинци, наводно вмешани во терористичкиот напад во Москва“.
ПРОПАГАНДА
Употребата на социјалните мрежи за документирање на конфликти не е нов феномен. Во изминатите две децении, со препознавањето на платформите како можност да се влијае на историските текови, се отвори прозорецот и за енормно пласирање најразлични видови теории на заговор, дезинформации, манипулативни содржини и малициозна пропаганда.
Специфичноста на Тик Ток меѓу нив, да се обраќа на помладите генерации кој по правило се аполитични, и не ги следат конвенционалните медиуми за јавно информирање, брзо го препознаваат и го (зло) употребуваат пропагандистите на Кремљ и Пекинг за пласирање малициозна пропаганда на овие целни групи, пласирана во обландата на навидум наивни, интересни, често смешни видеа на Тик Ток со кој ќе се пласира сопствената вистина и ќе се дискредитираат воените и политичките противници и неистомислениците, пишува Драган Мишев во анализата „Тик-ток, моќна алатка на пропагандата на Кремљ за радикализираните наративи и дезинформации за руската агресија врз Украина“.
Подготви: Д. Мишев