ВЕСТ НА ДЕНОТ
ПОЧЕТОК НА УЧЕБНАТА ГОДИНА: Ако денот по утрото се познава, црно ни се пишува
За 245 илјади основци и средношколци денеска почнува новата учебна 2024/25 година. Учебната година ќе трае до 10 јуни за сите ученици, со исклучок на учениците од завршните години во средно образование, кои ќе имаат настава до 16 мај.
ИЗЈАВА НА ДЕНОТ
„Околу првото, владата има намера да се откаже од 20-ина милиони евра од буџетот, за да им ги даде тие пари на петте најпрофитабилни компании во државата, кои веќе имаат добивки од преку 250 милиони евра. Наместо да зголеми плати на наставниците, или да реновира некоја болница, или да им помогне некако на сиромашните, или да ги подржи малите фирми, владата сака да ги почести петте најголеми компании во државата. Но иронијата е што тие пари нема ни да завршат кај компаниите, затоа што од почетокот на оваа година на сила е глобалниот минимален данок, кој го прифатија 140 земји во светот, вклучувајќи ја и Македонија“, изјави професорот Јовановиќ.
СВЕТ
Илјадници демонстранти во Израел по пронаоѓањето на шест убиени заложници во тунел под Појасот Газа
Шест израелски заложници беа пронајдени мртви во тунел под Појасот Газа, соопшти израелската војска, најава што доведе до кулминација на неколкумесечениот јавен гнев на Израелците. Гневните демонстранти ги преплавија израелските улици минатата ноќ, во една од најголемите демонстрации во речиси 11-месечната војна на Израел во Газа.
Во Украина почна учебната година под рускиот ракетен терор
Со ракетен напад врз Кијив, почна новата учебна година и во Украина. И покрај војната, започна новата учебна година во оваа земја која се бори за својата слобода веќе трета година по почетокот на целосната руска агресија. Многу училишта се уништени, но истрајните украински граѓани и нивните институции продолжуваат со одржување на клучните цивилни процеси.
Прочитајте што објави ЦивилМедиа денеска на тема Војна во Украина.
ГРАЃАНСКА АКЦИЈА
ПРАШАЊЕ НА ДЕНОТ: Кои се клучните проблеми на почетокот на учебната година?
Од денеска, ЦИВИЛ ќе поставува ПРАШАЊЕ НА ДЕНОТ врз основа на пристигнатите предлози од читателките и читателите. Како прво прашање, на самиот почеток на учебната година, логично беше да се постави токму тоа прашање во насловот.
СЛОБОДНА ЗОНА
Ова се рефлексии за општественото распаѓање, бесмисленоста на надежта и неизбежната индиферентност кон системските неуспеси на институциите и членовите на оваа административна заедница или држава, како сакате. Празнина што го дефинира колективното искуство. Од највисоките места на моќ до секојдневните интеракции, општеството е заробено во бескрајна спирала од примитивно однесување, насилство и илузионизам, неспособно – или неволно – да се ослободи и да престане со децениското бегање од вистинат“, пишува Џабир Дерала во колумната „Рамнодушност и општество во распаѓање“.
Подготви: Д. Мишев
